Raj Thackeray MNS | निवडणुकीनंतर महाराष्ट्रात सन्नाटा हा कसला विजय होता? -राज ठाकरे

मनसे अध्यक्ष राज ठाकरे यांनी महाराष्ट्रातील २०२४ च्या विधानसभा निवडणुकांच्या निकालावर प्रश्नचिन्ह उपस्थित केले आहे. निवडणुकीनंतर राज्यात जल्लोषाऐवजी सन्नाटा पसरल्याचे निरीक्षण त्यांनी नोंदवले, यावर “हा कसला विजय?” असा सवाल केला. ठाकरे यांनी २०१७-१८ पासूनच निवडणूक प्रक्रियेत अनियमितता असल्याचा इशारा दिला होता, असे नमूद केले. त्यावेळी त्यांनी सोनिया गांधी आणि ममता बॅनर्जी यांच्यासह अन्य नेत्यांना भेटून मतदान यंत्रणा (EVM) आणि मतदार याद्यांमधील संभाव्य घोळाबद्दल चिंता व्यक्त केली होती. त्यांनी निवडणुकीवर बहिष्कार टाकण्याचा पर्याय सुचवला होता जेणेकरून दूध का दूध, पाणी का पाणी होईल.

याशिवाय, लोकसभा निवडणुकांनंतर अवघ्या सहा महिन्यांच्या आत महाराष्ट्रात ४० ते ६० लाख मतदार अचानक वाढल्याच्या मुद्द्यावरही राज ठाकरे यांनी गंभीर आक्षेप घेतला. मतदारांमध्ये इतकी लक्षणीय वाढ कशी झाली, असा प्रश्न विचारत त्यांनी या प्रकारामागे काहीतरी घोळ असल्याचा आरोप केला.