Rani Bagh Zoo Mumbai : राणीच्या बागेत शक्ती वाघाआधीच रुद्रचा मृत्यू; कारण काय? प्रशासनावर माहिती लपवल्याचा आरोप

मुंबईच्या राणीच्या बागेतून एक धक्कादायक बातमी समोर आली आहे. राणीच्या बागेतील रुद्र वाघाचा २९ ऑक्टोबर रोजी मृत्यू झाला असल्याची माहिती आता उघड झाली आहे. विशेष म्हणजे, ज्या शक्ती वाघाच्या संशयास्पद मृत्यूचा आरोप व्याघ्रप्रेमींनी केला होता, त्याच्याही आधी रुद्रने प्राण गमावले होते. रुद्र वाघ काही दिवसांपासून आजारी होता. शक्ती आणि करिश्मा या वाघांचा तो बछडा होता. २९ ऑक्टोबर रोजी रुद्रचा मृत्यू झाला असला तरी, राणीच्या बागेच्या प्रशासनाने ही माहिती उशिरा दिली आहे.

रुद्रच्या मृत्यूचे कारण अद्याप स्पष्ट झालेले नाही, कारण त्याचा मृत्यू अहवाल अद्याप मिळालेला नाही. यापूर्वी शक्ती वाघाच्या मृत्यूची माहितीही प्रशासनाने दडवली होती, असा आरोप व्याघ्रप्रेमींनी केला होता. आता रुद्र वाघाच्या मृत्यूबाबतही माहिती उशिरा दिल्यामुळे राणीबाग प्रशासनावर पुन्हा एकदा प्रश्नचिन्ह निर्माण झाले आहे. ही बाब प्राणीसंग्रहालयातील प्राण्यांच्या व्यवस्थापनावर आणि पारदर्शकतेवर गंभीर प्रश्न निर्माण करते.