रोहित पवारांनी घेतली एकनाथ शिंदेंची भेट; काय आहे कारण?

रोहित पवार यांनी राज्याचे उपमुख्यमंत्री एकनाथ शिंदे यांची भेट घेतली आहे. अजित पवार यांच्या अपघात प्रकरणाच्या योग्य तपासाची मागणी करण्यासाठी रोहित पवार शिंदेंच्या भेटीसाठी दाखल झाले आहेत. अजित पवार यांचा जो विमान अपघात झाला, त्या संदर्भात योग्य तपास होत नाहीये, योग्य चौकशी केली जात नाहीये, असे रोहित पवार यांनी याआधी अनेकदा पत्रकार परिषदांच्या माध्यमातून मांडले आहे. त्याच संदर्भात चर्चा करण्यासाठी आणि सविस्तर माहिती देण्यासाठी ते एकनाथ शिंदे यांची भेट घेत आहेत.

यापूर्वी रोहित पवार यांनी या प्रकरणामध्ये मुख्यमंत्र्यांची देखील भेट घेतली होती. तसेच देवेंद्र फडणवीस यांच्यासोबतही त्यांनी यावर चर्चा केली होती. आता उपमुख्यमंत्री एकनाथ शिंदे यांची भेट घेऊन ते सविस्तर माहिती देणार असल्याचे कळते. रोहित पवार एकनाथ शिंदे यांच्या दालनात दाखल झाले असून, अजित पवारांच्या अपघात प्रकरणाची चौकशी ही त्यांच्या भेटीमागील मुख्य मागणी आहे.