Sharad Pawar NCP : पिपाणी अन् तुतारीचं कन्फ्यूजन, शरद पवार गटाच्या 9 उमेदवारांचे बाजले बारा, ट्रम्पेटचा बसला फटका

गेल्या २० नोव्हेंबर रोजी झालेल्या विधानसभा निवडणुकीच्या मतदानाचा २३ नोव्हेंबरला लागला. विधानसभा निवडणुकीत महायुतीला मोठा विजय मिळाला तर महाविकास आघाडीला फटका बसला. राज्यात महायुतीचंच पुन्हा सरकार आलं आहे. राज्यात महायुतीला सर्वाधिक जागा मिळाल्या आहेत. तर महाविकास आघाडीला सर्वात कमी जागा मिळाल्या आहेत. या निवडणुकीत काँग्रेसला 16, उद्धव ठाकरे गटाला 20, शरद पवार गटाला 10 जागा मिळाल्या. त्यामुळे महाविकास आघाडीत ठाकरे गट सर्वात मोठा पक्ष ठरला आहे. यानिवडणुकीत लोकसभेप्रमाणे विधानसभेला चिन्हाच्या घोळामुळे शरद पवार गटाला मोठा फटका बसला आहे. यंदाही मतदारांचं तुतारी आणि ट्रेम्पेट या चिन्हांमध्ये मतदारांचं कन्फ्यूजन झालं. त्यामुळे जिंतूर, घनसावंगी, शहापूर, बेलापूर, अणुशक्तीनगर, आंबेगाव पारनेर, केज, परांडा या नऊ मतदारसंघात शरद पवार गटाचे उमेदवार पडले. या उमेदवारांचा जेवढ्या मतांनी पराभव झाला, त्यापेक्षा जास्त मते ही पिपाणीला मिळाल्याचे पाहायला मिळाले.