Sharad Pawar : बोलताना प्रेमाची भाषा…आपला पक्ष सोडून गेलाला नेता वादग्रस्त वक्तव्य करतो, तुम्ही… पवारांच्या पदाधिकाऱ्यांना सूचना

राष्ट्रवादी काँग्रेसचे अध्यक्ष शरद पवार यांनी पक्षाच्या पदाधिकाऱ्यांना वादग्रस्त वक्तव्ये करण्यापासून परावृत्त राहण्याचे स्पष्ट निर्देश दिले आहेत. त्यांनी माजी आमदार संग्राम जगताप यांच्या वक्तव्यांचा दाखला देत, “आपला पक्ष सोडून गेलेला एक नेता वादग्रस्त वक्तव्य करतोय,” अशी टीका केली. पवारांनी पदाधिकाऱ्यांना संवाद साधताना प्रेमाची भाषा वापरण्याचा सल्ला दिला. त्यांनी विशेषतः जातीय सलोख्याचे महत्त्व अधोरेखित केले. “आपल्या विधानांमुळे जातीय सलोखा बिघडणार नाही, याची काळजी घ्या,” असे पवार म्हणाले.

कधीकाळी आपल्यासोबत असलेल्या आमदाराकडून आता वादग्रस्त वक्तव्ये केली जात असल्याचे सांगत, त्यांनी जातीय सलोखा बिघडवायचा नाही, तर तो कायम राखायचा असल्याचे सांगितले. स्थानिक तसेच राज्य पातळीवरील कोणत्याही चर्चेत जातीवाचक बोलणे टाळण्याचे आवाहनही पवारांनी केले. त्यांनी संग्राम जगताप यांच्यावर निशाणा साधत, सर्वसामान्यांशी संवाद साधताना नेहमी प्रेमाची भाषा वापरा अशा सूचना पुन्हा एकदा दिल्या. महाराष्ट्रातील सध्याच्या राजकीय परिस्थितीत पवारांच्या या सूचनांना महत्त्व प्राप्त झाले आहे.