मोठी घडमोड! ठाकरेंना धक्का देत शिंदे गटात प्रवेश करताच महिला पदाधिकाऱ्याचं मोठं विधान; थेट नाव…

शिवसेना ठाकरे गटाला पुन्हा एकदा मोठा धक्का बसला आहे. ठाकरे गटाच्या उपनेत्या शुभांगी पाटील यांनी काल रात्री शिवसेना शिंदे गटात अधिकृत प्रवेश केला. उत्तर महाराष्ट्रातील हा पक्षप्रवेश राजकीय वर्तुळात मोठी चर्चा ठरत आहे. या सोहळ्यावेळी खासदार श्रीकांत शिंदे, खासदार नरेश म्हस्के, मंत्री प्रताप सरनाईक आणि मंत्री भरत गोगावले उपस्थित होते. उपस्थिांबाबतची माहिती स्वतः शुभांगी पाटील यांनीही दिली.

पक्षप्रवेशानंतर प्रतिक्रिया देताना शुभांगी पाटील यांनी मोठं विधान केलं. त्या म्हणाल्या, “पक्षातील कोणत्याही वरिष्ठाने मला थांब असं सांगितलं नाही. कोणाचाही फोन आला नाही. जवळपासच्या काही जणांनी कॉल केले त्यांची नाव मी थेट घेणार नाही मात्र त्यांनी फक्त पक्षप्रवेश करत आहात का, एवढंच विचारलं. बाकी काहीच नाही. माझ्यावर अनेक शिक्षकांच्या मागण्यांची, हक्काची जबाबदारी आहे. ती पूर्ण करण्यासाठी मी शिवसेनेत प्रवेश केला.”

गेल्या 10-12 वर्षांपासून शुभांगी पाटील या शिक्षकांच्या प्रश्नांसाठी सातत्याने काम करत आहेत. शिक्षकांच्या विविध मागण्यांसाठी त्यांनी अनेक आंदोलने केली असून आझाद मैदानावर उपोषणही केलं होतं. त्यांच्या या निर्णयामुळे ठाकरे गटातील अस्वस्थता आणखी वाढल्याची चर्चा आता राजकीय वर्तुळात सुरू झाली आहे.