नातवासाठी कायपण… मुख्यमंत्र्यांनी स्वयंपाकघरात थेट पुऱ्या तळल्या, व्हिडिओवर नेटकरी फिदा

तेलंगणाचे मुख्यमंत्री रेवंत रेड्डी यांचा एक आगळावेगळा आणि भावनिक व्हिडिओ सध्या सोशल मीडियावर मोठ्या प्रमाणात व्हायरल होत आहे. राजकारणातील व्यस्त वेळापत्रकातून वेळ काढत मुख्यमंत्री आपल्या लाडक्या नातवासाठी स्वयंपाकघरात स्वतः पुऱ्या बनवताना दिसत आहेत.

समोर आलेल्या व्हिडिओमध्ये रेवंत रेड्डी अत्यंत साधेपणाने स्वयंपाक करताना दिसत असून, नातवासाठी प्रेमाने पुऱ्या तयार करतानाचे हे क्षण अनेकांच्या पसंतीस उतरले आहेत. मुख्यमंत्री म्हणून जबाबदाऱ्या सांभाळतानाच कुटुंबासाठी वेळ देणारी त्यांची ही भूमिका सोशल मीडियावर चर्चेचा विषय ठरली आहे.

विशेष म्हणजे, आजोबा आणि नातवामधील प्रेमळ नात्याचे दर्शन घडवणारा हा व्हिडिओ नेटकऱ्यांचे लक्ष वेधून घेत आहे. अनेकांनी या व्हिडिओवर सकारात्मक प्रतिक्रिया देत रेवंत रेड्डी यांच्या साधेपणाचे आणि कौटुंबिक जिव्हाळ्याचे कौतुक केले आहे.

दरम्यान, हा व्हिडिओ विविध सोशल मीडिया प्लॅटफॉर्मवर मोठ्या प्रमाणात शेअर केला जात असून, राजकीय व्यक्तिमत्त्वाचा हा वेगळा आणि मानवी पैलू पाहून नेटकऱ्यांकडून त्याचे भरभरून स्वागत केले जात आहे.