Thackeray Brothers Unite: ऑल सेट… ठाकरे बंधूंचं ठरलं! आज 12 वाजता ऐतिहासिक क्षण, ठाकरे सेना अन् मनसे युतीची घोषणा होणार

राज ठाकरे यांच्या नेतृत्वाखालील महाराष्ट्र नवनिर्माण सेना (मनसे) आणि उद्धव ठाकरे यांच्या नेतृत्वाखालील शिवसेना (ठाकरे गट) यांच्या बहुप्रतिक्षित युतीची घोषणा आज दुपारी 12 वाजता वरळी येथील हॉटेल ब्लू सीमध्ये होणार आहे. संजय राऊत यांनी या युतीची पुष्टी केली असून, जागावाटपावर एकमत झाल्याचे सांगितले आहे. या युतीमुळे आगामी मुंबई, ठाणे, कल्याण, मीरा भाईंदर, पुणे आणि नाशिकसह महाराष्ट्रातील अनेक महानगरपालिका निवडणुकांमध्ये दोन्ही पक्ष एकत्र लढणार आहेत. पत्रकार परिषदेपूर्वी दोन्ही ठाकरे बंधू शिवाजी पार्क येथील हिंदू हृदयसम्राट बाळासाहेब ठाकरे यांच्या स्मृतीस्थळाला भेट देऊन आदरांजली वाहतील. महाराष्ट्राच्या राजकारणात ही युती एक महत्त्वपूर्ण टप्पा मानली जात आहे, ज्याकडे संपूर्ण राज्याचे लक्ष लागले आहे.