‘संभाजी भिडे यांच्यासारखा गलिच्छ गुरूजी देवेंद्र फडणवीस यांनाच…’, ‘सामना’तून काय केली जहरी टीका?

मुंबई, ६ ऑगस्ट २०२३ | सांगलीचे मनोहर भिडे (संभाजी भिडे) हे आपले गुरूजी आहे, असे देवेंद्र फडणवीस म्हणतात. त्यांच्या गुरुजींनी गांधींपासून नेहरूंपर्यंत, साईबाबांपासून महात्मा फुले यांच्यापर्यंत सगळ्यांची निंदा सुरू केली आहे. तणाव निर्माण करून दंगली भडकवण्याची ही सुपारी असल्याचा अरोप सामना या वृत्तपत्रातील रोखठोक या सदरातून करण्यात आला आहे. ‘संभाजी भिडेंनी दंगली भडकवण्याची सुपारी घेतली आहे’, सामनातून संभाजी भिडे आणि देवेंद्र फडणवीस यांच्यावर टीकास्त्र डागण्यात आले आहे. तर संभाजी भिडे यांच्यासारखा गलिच्छ गुरूजी देवेंद्र फडणवीस यांनाच लखलाभ ठरो, असे म्हणत संजय राऊत यांनी आज सामनातून हल्लाबोल चढविला आहे. तर महात्मा गांधी यांचे मरत नाहीत, हेच संभाजी भिडे यांचं दुखणं असल्याचेही सामनातून म्हटले आहे.