शिवसेनेत जाणार का? पक्षांतराच्या चर्चावर वैभव नाईक यांची प्रतिक्रिया; म्हणाले…

मुंबई : शिवसेना ठाकरेगटाचे नेते, आमदार वैभव नाईक हे शिवसेनेच्या वाटेवर असल्याचं मागच्या काही दिवसांपासून बोललं जात आहे. त्यावर वैभव नाईक यांनी प्रतिक्रिया दिली आहे. आपण नाराज नसल्याचं आणि एकनाथ शिंदे यांच्यासोब जाण्याचा कोणताही प्लॅन नसल्याचं वैभव नाईक यांनी स्पष्ट केलं आहे. “मी पक्षात नाराज नाही. माझ्याबाबतच्या खोट्या बातम्या पेरल्या जात आहेत. माझा शिंदे गटात जाण्याचा कुठलाही विचार नाही. मी सध्या सत्ताधाऱ्यांना पुरून उरतोय, असं वैभव नाईक म्हणालेत. पक्षांतराच्या चर्चांना त्यांनी पूर्ण विराम दिला आहे.