उत्तर प्रदेश विधानसभा निवडणुकीत, महाराष्ट्रातील बड्या नेत्याकडे मोठी जबाबदारी; थेट…

भारतीय जनता पक्षाने (भाजप) नेते विनोद तावडे यांच्यावर एक महत्त्वाची जबाबदारी सोपवली आहे. आगामी उत्तर प्रदेश विधानसभा निवडणुकांच्या पार्श्वभूमीवर त्यांची उत्तर प्रदेश विधानसभा प्रभारीपदी नियुक्ती करण्यात आली आहे. राष्ट्रीय राजकारणात सक्रिय असलेल्या विनोद तावडे यांच्यासाठी ही एक मोठी संधी मानली जात आहे.

यापूर्वीही विनोद तावडे यांनी निवडणूक प्रभारी म्हणून अनेक राज्यांमध्ये यशस्वीपणे काम पाहिले आहे. विशेषतः, बिहार आणि हरियाणा विधानसभा निवडणुकांमध्ये प्रभारी पदाची जबाबदारी त्यांनी सांभाळली होती आणि पक्षाला विजय मिळवून दिला होता. त्यांच्या या अनुभवाचा लाभ आता उत्तर प्रदेशमध्ये घेण्याचा भाजपचा प्रयत्न आहे. भाजपच्या पक्षसंघटनेत नुकतेच काही महत्त्वाचे बदल झाले आहेत. विनोद तावडे हे भाजपचे सह सरचिटणीस म्हणून कार्यरत असून, आता त्यांना उत्तर प्रदेशची अतिरिक्त जबाबदारी मिळाली आहे. त्यांच्या नियुक्तीमुळे भाजपच्या उत्तर प्रदेशमधील निवडणूक तयारीला अधिक गती मिळण्याची अपेक्षा आहे.