देशात, राज्यात निवडणुका कधी होणार? या नेत्याने दिली ही महत्वाची माहिती

संभाजीनगर : 17 सप्टेंबर 2023 | पंतप्रधान नरेंद्र मोदी यांनी विश्वकर्मा योजना जाहीर केली. मात्र, विरोधकांनी आगामी निवडणुका डोळ्यासमोर ठेऊन ही योजना जाहीर केल्याचा आरोप केला आहे. त्यावर भाजपचे मंत्री सुधीर मुनगंटीवार यांनी प्रत्युत्त्तर दिलंय. पंतप्रधान नरेंद्र मोदी यांनी आतापर्यंत ज्या योजना जाहीर केल्या तेव्हा कुठे निवडणुका होत्या? असा सवाल केला. विरोध करणे हे विरोधकांचे काम आहे. गरिबांना या योजनेतून अधिक काम कसे मिळेल याचा विचार या योजनेतून करण्यात आला आहे. बिरबल आणि मूर्ख यांची जी काही लक्षणे सांगितली आहे. त्यातील हे लक्षण विरोधकांचे आहे. १७६ योजना सांगितल्या. त्या सर्व निवडणुका समोर ठेवून केल्या आहेत का? दर पंधरा दिवसांनी थोडी काही निवडणूक होत असते. आज आपण सप्टेंबरमध्ये आहोत तर निवडणूक मे मध्ये होणार आहेत. याचा काही मेजर परिणाम निवडणुकीत होतो का? विरोधकांकडे आता आरोप करण्याशिवाय काही शिल्लक राहिले नाही. जे पाकिस्तानला वाटतं, जे चीनला वाटतं, भारताच्या विकासाची इर्षा असणाऱ्यांना जे वाटतं तेच आता दुर्दैवाने विरोधकांना वाटतं. काही योजनांवर आधारित, विचारावर आधारित संवाद, चर्चा, वादविवाद समजू शकतो. पण असा आरोप करणे चुकीचे आहे असे ते म्हणाले.