P. M Kisan Sanman Yojna | 10 वा हप्ता जमा होण्यापूर्वी जाणून घ्या eKYC करायचे कसे? प्रत्येक शेतकऱ्यासाठी महत्वाची बातमी
गेल्या अनेक दिवसांपासून पंतप्रधान किसान सन्मान योजनेच्या 10 व्या हप्त्याची चर्चा सुरु आहे. मात्र, डिसेंबर महिन्याच्या अखेरीस पर्यंत हा हप्ता जमा होणार असल्याचे सांगण्यात येत आहे. मात्र, हा हप्ता जमा होण्यापूर्वी शेतकऱ्यांना काही प्रक्रिया पूर्ण करावी लागणार आहे.
लातूर : गेल्या अनेक दिवसांपासून (PM Kisan Samman Yojana) पंतप्रधान किसान सन्मान योजनेच्या 10 व्या हप्त्याची चर्चा सुरु आहे. मात्र, डिसेंबर महिन्याच्या अखेरीस पर्यंत हा हप्ता जमा होणार असल्याचे सांगण्यात येत आहे. मात्र, हा हप्ता जमा होण्यापूर्वी ( Farmers) शेतकऱ्यांना काही प्रक्रिया पूर्ण करावी लागणार आहे. त्याअनुशंगानेही वेगवेगळे तर्क-वितर्क मांडले जात आहेत. यामधीलच eKYC ही प्रक्रिया पूर्ण करावी लागणार का नाही याबाबतही चर्चा होती. eKYC करणे हे बंधनकारक आहे पण ते 10 व्या हप्त्यासाठी नाही. मार्च 2022 पर्यंत ही प्रक्रिया पूर्ण करावी लागणार आहे. अनेक शेतकऱ्यांना याबद्दल माहिती नाही. पण ही प्रक्रिया नेमकी कशी आहे ते आपण पाहणार आहोत.
*अशी आहे eKYC करण्याची सोपी पध्दत
eKYC – म्हणजे electronic know your custumer एखाद्या व्यक्तीची ओळख इलेक्ट्रॉनिकली पडताळून पाहणे म्हणजेच ई केवायसी आता eKYC करायची असेल तर www.pmkisan.gov.in या वेबसाईटवर जावे लागणार आहे. त्यानंतर पी. एम. किसान योजनेची अधिकृत वेबसाईट तुमच्या स्क्रीनवर दिसेल.वेबसाइट ओपन झाल्यावर सगळ्यात अगोदर तुम्हाला लाल अक्षरांमध्ये एक सूचना दिसेल ती अशी की eKYC is mandatory for PMKISAN Registered farmers, pls click ekyc option in former corner for aadhar based OTP authentication and for biometric authentication contact nearest CSC centres याचा अर्थ तुम्ही तर पी एम किसान योजनेचा लाभ घेत असाल तर तुम्हाला केवायसी करणे बंधनकारक असणार आहे.
*आता केवायसी करण्यासाठी दोन पर्याय आहेत एक म्हणजे तुमचा फोन नंबर आधार कार्ड से लिंक असेल तर तुम्ही आधार बेस्ट केवायसी करू शकता त्यासाठी फार्मर कॉर्नर मध्येही केवायसी ला क्लिक करायचे आहे मोबाईल नंबर आधार कार्ड सिलिंग नसेल तर सीएससी केंद्रावर जाऊन कागद पत्र देऊन ही प्रक्रिया पूर्ण करावी लागणार आहे
*आधारकार्ड वापरून eKYC कसे करायचे? फार्मर कॉर्नर वरती eKYC ला क्लिक करायचे आहे. त्यानंतर आधार केवायसी नावाचे एक नवीन पेज तुमच्यासमोर ओपन होईल त्यामध्ये सुरुवातीला आधार कार्ड क्रमांक त्यानंतर समोरच्या बॉक्समधील अक्षरे आणि अंक आहेत तशी टाकायची आहेत. त्यानंतर search या पर्यायावर क्लिक करायचे आहे. त्यानंतर तुमच्या समोर एक नवीन पेज ओपन होईल यामध्ये सुरुवातीला आधार नंबर दिसेल त्यानंतर मोबाईल नंबर टाकायचा आहे आधार कार्ड मोबाईल नंबर लिंक आहे तोच येथे टाकायचा आहे…त्यानंतर Get Otp यावर क्लिक करायचे आहे. त्यानंतर मोबाईलवर OTP नंबर येईल तो OTP येथे submit करायचा आहे. त्यानंतर submit for Auth यावर क्लिक करायचे आहे. त्यानंतर EKYC is successful submitted असा sms दिसेल. याचाच अर्थ ekyc submitted यशस्वी झाला आहे. यादरम्यान invalid असा पर्याय समोर येत असेल तर काही दिवसांनी ekyc करायचे किंवा CSC केंद्रावर जाऊन कागदपत्रे जमा करून ekyc करून घ्यावे लागणार आहे.
eKYC न केल्यास काय होणार
अनेकांना प्रश्न आहे की, ही प्रक्रिया न केल्यावर काय होणार. पण घाबरुन जाण्याचे कारण नाही. eKYCन केल्यासही हप्ता मिळणार आहे. मात्र, मार्च 2022 नंतरचे हप्ते मिळवायचे असतील तर मार्च 2022 पर्यंत ekyc करणे गरजेचे आहे. याकरिता केवळ 15 रुपये आकारले जाणार आहेत. त्यामुळे 10 वा हप्ता मिळण्यासाठी नाही पण भविष्यात ही प्रक्रिया पूर्ण करावी लागणार आहे.
संबंधित बातम्या :
Kharif Season : अखेर खरिपाची हुलकावणीच, तूर धोक्यात, साठवणूक करुनही सोयाबीन-कापसाचे दर कोमात
MSEDCL : शेतकऱ्यांकडून विजबीलाची वसुली अन् सरकारकडून कृषी पंपाची जोडणी, काय आहे सरकारचे धोरण?
आस्मानी संकटापेक्षा शेतकऱ्यांवर सध्या सुलतानी संकट, देवेंद्र फडणवीस यांचा राज्य सराकरवर घणाघात
