Maruti Brezza फेसलिफ्ट खरेदी करायचीय, किती हवा पगार, Down Payment आणि EMI हप्ता पाहा…

2026 Maruti Brezza ने भारतीय बाजारात नव्या अवतारात एंट्री मारली आहे. कंपनीने या अपडेटेड सुव्हची सुरुवातीची एक्स शोरुम किंमत 7,39,900 रुपये ठेवली आहे. या कारच्या टॉप व्हेरिएंटची किंमत 11,65,500 रुपयांपर्यंत जाते. बाजारात मारुती ब्रिझाची स्पर्धा Tata Nexon सारख्या सुव्हशी होत आहे.

जर तुम्ही Maruti Brezza सुव्हच्या नव्या अवताराला खरेदी करु इच्छीत असाल तर हा लेख तुम्हाला फायद्याचा आहे. या लेखात आपण या सुव्हची ऑन रोड प्राईज आणि ईएमआयची माहिती घेणार आहोत. याशिवाय नव्या Brezza च्या इंटेरिअर, फिचर्स, सेफ्टी, इंजिन आणि मायलेज संदर्भात माहिती घेणार आहोत.

Maruti Brezza On Road Price

नव्या ब्रेझा फेसलिफ्टला भारतीय बाजारात 7,39,900 सुरुवाती एक्स शोरुम किंमतीत लाँच केले आहे. राजधानी दिल्लीत या कारला खरेदी केल्यानंतर आरटीओला 59,192 रुपयांचे शुल्क भरावे लागते. याशिवाय 3,101 रुपये कारच्या विम्याचे भरावे लागतात. यामुळे या कारची दिल्लीत ऑन रोड किंमत 8,32,193 रुपये होणार आहे.

जर तुम्ही नवी कोरी मारुती ब्रेझा खरेदी करताना 2 लाख रुपये Down Payment देत असाल तर उरलेले 6,32,193 रुपये तुम्हाला कार लोन घ्यावे लागेल. जर तुमची मासिक कमाई चांगली असेल आणि Credit Score चांगला असेल तुम्हाला 10 टक्के व्याजाच्या दराने सहज कर्ज मिळेल.

जर हे Car Loan तुम्हाला पाच वर्षांसाठी घेतले तर या प्रकारे 10 टक्के व्याजदराने 13,432 रुपयांचे एकूण 60 EMI भरुन तुमचे कार लोन चुकते करु शकता. याप्रकारे तुम्ही एकूण कारचा 8,05,934 रुपयांचा हप्ते भराल. जर दोन लाख रुपयांचे डाऊन पेमेंटयास जोडले तर या कारची किंमत 10,05,934 रुपये ( व्याज आणि ईएमआय नंतर ) होऊन जाईल.

डिझाईन आणि इंटेरिअर

2026 मारुती ब्रेझा फेसलिफ्ट बोल्ड फ्रंट ग्रिल (स्मोक क्रोम),नवीन बंपर, सिल्व्हर स्किड प्लेट आणि अपडेटेड अलॉय व्हील्स मिळतात. या कारचा प्रोफाईल बॉक्सी आणि मस्क्युलर आहे. इंटेरिअरमध्ये ड्युअल – टोन ब्लॅक- ब्राऊन धीम, ग्लॉस ब्लॅक ट्रिम्स, लेदरेट अपहोल्स्ट्री, 64-कलर एम्बिएंट लायटिंग, वेंटिलेटेड फ्रंट सीट्स आणि 10.1-इंच स्मार्टप्ले प्रो X टचस्क्रीन (वायरलेस Android Auto/Apple CarPlay) आहे. एअर प्युरिफायर, कुल्ड वायरलेस चार्जर आणि सनरुफ देखील उपलब्ध आहे.

फिचर्समध्ये ऑटो क्लायमेट कंट्रोल, 360° कॅमरा, ARKAMYS साऊंड सिस्टम आणि कनेक्टेड कार टेक्नॉलॉजीचा समावेश आहे. सेफ्टीसाठी यात सहा एअर बॅग, ESC, HHA स्टँडर्ड. TPMS, फ्रंट पार्किंग सेंसर, ब्लाईंड स्पॉट वार्निंग, रिअर क्रॉस ट्रैफिक अलर्ट आणि 5-स्टार भारत NCAP रेटिंग मिळालेली आहे.

इंजिन आणि मायलेज

1.0L टर्बो (110 PS/170 Nm, 6MT): 19.96-20.47 KMPL

1.5L पेट्रोल माईल्ड हायब्रिड (103 PS/139 Nm, 6MT/AT): 20.17-21.09 KMPL

1.5L CNG (88 PS, 6MT, अंडरबॉडी टँक): 26.90 KM/KG

आमचा सल्ला –

ही दिलेली माहिती Maruti Brezzaच्या ऑन रोड प्राईज आणि ईएमआय संबंधी डिटेल्स केवळ उदाहरण म्हणून दिलेले आहे. शहर,डिलरशिप,कारचे मॉडेल, विमा कंपनी, आणि व्याजाचा दर कमी जास्त झाल्यास हा अंदाज बदलू शकतो. जर तुम्हाला महिन्याला 50 ते 60 हजार कमावत असाल तर आणि तुमच्यावर अन्य दुसरे कोणतेही मोठे लोन नसेल तर नवीन ब्रेझा कार लोनवर घेऊ शकता.