1 लीटरमध्ये 29 किमी धावते ही कार, फीचर्स एकदम जबरदस्त, किंमत किती?

प्रत्येकजण कार घेताना ती कार कशी आहे आणि तिच्याबद्दल जाणून घेत असतो. जर तुम्ही देखील जास्त मायलेज, कमी इंधन खर्च आणि आधुनिक फीचर्स असलेली SUV खरेदी करण्याचा विचार करत असाल तर Renault Duster Hybrid हा पर्याय चर्चेत आहे. कंपनीच्या दाव्यानुसार, ही हायब्रिड SUV 29 किमी प्रति लिटरपर्यंत मायलेज देते. शहरातील वाहतूक कोंडीतही इंधनाची बचत करण्यासाठी हायब्रिड तंत्रज्ञानाचा फायदा मिळू शकतो. मात्र, प्रत्यक्ष मायलेज ड्रायव्हिंगची पद्धत आणि रस्त्यांच्या परिस्थितीनुसार बदलू शकते.

Renault Duster Hybrid मध्ये 1.8-लिटर पेट्रोल इंजिन, दोन इलेक्ट्रिक मोटर्स आणि 1.4 kWh क्षमतेची सेल्फ-चार्जिंग बॅटरी देण्यात आली आहे. हे संपूर्ण हायब्रिड सिस्टम मिळून 158 bhp पॉवर आणि 208 Nm टॉर्क निर्माण करते. या कारची बॅटरी बाहेरील चार्जिंग सॉकेटला जोडण्याची गरज नसते. गाडी चालत असताना हायब्रिड सिस्टम बॅटरी चार्ज करते.

कंपनीच्या माहितीनुसार, शहरातील वाहतूक कोंडीत ही कार सुमारे 80 टक्के वेळ इलेक्ट्रिक मोडमध्ये चालू शकते. त्यामुळे वारंवार थांबावे लागणाऱ्या वाहतुकीत इंधनाची बचत होण्यास मदत मिळू शकते.

तीन व्हेरिएंटमध्ये उपलब्ध

Renault Duster Hybrid मध्ये Evolution, Techno आणि Emotion असे तीन व्हेरिएंट दिले आहेत.

Evolution- हा हायब्रिड रेंजमधील सुरुवातीचा व्हेरिएंट आहे. यात कनेक्टेड एलईडी टेललॅम्प, चारही पॉवर विंडोजसाठी ऑटो अप-डाउन फंक्शन, क्रूझ कंट्रोल, ब्लॅक फॅब्रिक सीट्स आणि 18-इंच फ्लेक्स व्हील्स मिळतात.

Techno- Evolution पेक्षा सुमारे 2 लाख रुपये महाग असलेल्या या व्हेरिएंटमध्ये पॅनोरॅमिक सनरूफ, एलईडी हेडलॅम्प्स, कीलेस लॉक-अनलॉक सिस्टम, पुश-स्टार्ट बटण आणि बेज रंगाच्या सेमी-लेदरेट सीट्स दिल्या आहेत.

Emotion- हा टॉप व्हेरिएंट असून Techno पेक्षा सुमारे 49 हजार रुपये महाग आहे. यात 10.25-इंच डिजिटल इन्स्ट्रुमेंट क्लस्टर, पॉवर्ड टेलगेट, सहा प्रकारे अ‍ॅडजस्ट करता येणाऱ्या व्हेंटिलेटेड फ्रंट सीट्स, ब्राउन लेदरेट अपहोल्स्ट्री आणि 18-इंच डायमंड-कट अलॉय व्हील्स मिळतात.

कोणासाठी फायदेशीर ठरू शकते?

दररोज शहरातील गर्दीच्या रस्त्यांवरून प्रवास करणाऱ्यांसाठी हायब्रिड तंत्रज्ञान उपयुक्त ठरू शकते. पेट्रोलच्या वापरात बचत होण्याची शक्यता असली, तरी हायब्रिड मॉडेलची अतिरिक्त किंमत आणि प्रत्यक्ष इंधन बचत यांची तुलना करणे महत्त्वाचे आहे. त्यामुळे खरेदीपूर्वी आपल्या दैनंदिन प्रवासानुसार खर्चाचा अंदाज घ्यावा.