PF claim: 20 दिवसांत पीएफ क्लेमचे पैस न मिळाल्यास अतिरिक्त व्याज? EPFO चा नवीन नियम काय
EPFO PF Claim update: पीएफचा पैसा मिळवण्यासाठी केलेला दावा मंजूर होऊन जर निश्चित कालावधीत ही रक्कम तुमच्या खात्यात जमा झाली नाही तर तुम्हाला अतिरिक्त व्याज मिळेल का? काय आहे ईपीएफओचा नवीन नियम?
EPFO New Rules: केंद्रीय भविष्य निर्वाह निधी संघटनाही खासगी क्षेत्रातील कर्मचाऱ्यांसाठी महत्त्वाची संस्था आहे. कर्मचाऱ्यांना पीएफ आणि पेन्शनचा लाभ देण्याचे नियोजन, व्यवस्थापन ही केंद्रीय संस्था करते. निवृत्तीनंतर एक मोठी आर्थिक मदत मिळते. अनेकदा पीएफ क्लेम केल्यानंतरही निश्चित वेळेत कर्मचाऱ्यांच्या खात्यात रक्कम जमा होत नाही. पीएफ क्लेम एका निश्चित कालावधीत जमा न झाल्यास काही प्रकरणात अतिरिक्त व्याजच नाही तर नुकसान भरपाई सुद्धा मिळू शकते. मुंबईतील ग्राहक आयोगाने एका प्रकरणात ईपीएफओला याविषयीचे निर्देश दिले आहेत. एका निवृत्त कर्मचाऱ्याच्या पीएफ क्लेममध्ये उशीर झाल्याने आयोगाने 6 टक्के प्रतिवर्ष व्याज देण्याचा आदेश दिला. कर्मचाऱ्याचा क्लेम 14.06 लाखांचा होता आणि सेटलमेंटमध्ये 35 दिवसांचा विलंब झाला होता.
किती दिवसात दाव्याचा निपटारा?
जून 2026 मध्ये कामगार आणि रोजगार मंत्रालायने (Ministry of Labour and Employment) कोड ऑन सोशल सिक्योरिटी, 2020 अंतर्गत कर्मचारी भविष्य निर्वाह निधी योजना 2026 (Employees’ Provident Funds Scheme, 2026), कर्मचारी पेन्शन योजना, 2026 आणि कर्मचारी ठेव-लिंक्ड विमा योजना, 2026 अधिसूचित केली. हा नियम 29 जून 2026 रोजीपासून लागू झाला. या नियमानुसार, पीएफ, पेन्शन आणि कर्मचारी ठेव लिंक्ड विमा योजनेचा दावा 20 दिवसात निकाली काढणे आवश्यक आहे.
PF दाव्याला उशीर झाल्यास?
जर 20 दिवसांच्या कालावधीनंतरही पीएफ दाव्याचा निपटारा झाला नाही तर ईपीएफओकडे तक्रार करता येते. त्यासाठी प्रादेशिक संचालकाकडे संपर्क करता येतो. याशिवाय EPFIGMS याठिकाणी तक्रार दाखल करता येते. या पोर्टलवर कर्मचारी हा पर्याय निवडून तक्रार दाखल करण्याची सोय करण्यात आलेली आहे. तक्रारदारांसाठी प्रत्येक महिन्याच्या 10 तारखेला एक कार्यक्रम आयोजित करण्यात येतो. याठिकाणी पीएफ, पेन्शनविषयीच्या तक्रारी मांडता येतात. त्यावर निर्णय होतो.
किती रक्कम काढता येईले हे कळणार
नवीन बदलानुसार, पीएफमधून किमान रक्कम काढण्यासाठी कमीत कमी 12 महिने नोकरी करणे बंधनकारक आहे. यापूर्वी लग्नाकरीता रक्कम काढण्यासाठी 7 वर्षांची सेवा असणे आवश्यक होते. EPFO च्या बदलाचा फायदा कर्मचार्यांना होईल. निकडीच्या वेळी त्यांना पीएफ काढता येईल. ईपीएफओने CITES 2.01 हे सॉफ्टवेअर अपग्रेड केले आहे. नवीन प्रणालीमुळे सदस्यांना उपचार, घर खरेदी, लग्न, शिक्षण आदी कारणांसाठी ईपीएफ नियमांनुसार, जास्तीत जास्त किती रक्कम काढता येईल हे आधीच पाहता येईल. यामुळे सदस्यांना किती रक्कमेचा दावा करायचा हे ठरवणे सोपे होणार आहे.
