Gold Price Today: सोने 5 दिवसांत एवढ्या रुपयांनी स्वस्त, जाणून घ्या 10 ग्रॅम सोन्याचे भाव

संग्रहित छायाचित्र

नवी दिल्ली : गेल्या काही दिवसांपासून सोने आणि चांदीची किंमत (Gold Silver Price Today) कमी होत आहे. यामुळे ते फक्त 5 दिवसांत 450 रुपयांनी स्वस्त झाले. मल्टी कमोडिटी एक्सचेंजमध्ये (MCX) शुक्रवारी 06 ऑगस्ट रोजी सोन्याचे दर 0.26 टक्क्यांनी कमी झाले. सोमवारी सोन्याच्या दराबद्दल बोलायचे झाल्यास या दिवशी सोने 0.16 टक्क्यांनी घसरून 47926 रुपये प्रति 10 ग्रॅम झाले होते.

सोने 5 दिवसांत 450 रुपयांनी स्वस्त

सोमवारी सोन्याचा दर 47926 रुपये प्रति 10 ग्रॅम होता, जो काल 0.26 टक्क्यांनी घसरून 47,480 रुपये प्रति 10 ग्रॅम झाला. म्हणजेच अवघ्या 5 दिवसांत सोन्याची किंमत 450 रुपयांपर्यंत कमी झाली. मल्टी कमोडिटी एक्सचेंज (MCX) शनिवारी आठवड्याच्या शेवटच्या दिवशी बंद आहे.

जाणून घ्या चांदीच्या किमतीत किती घट?

सोमवारी चांदी 0.3 टक्क्यांनी घसरून 67865 रुपये प्रति किलो होती, जी काल 66,720 रुपयांवर आली. त्यानुसार, चांदी अवघ्या 5 दिवसांत 1100 रुपयांहून अधिक स्वस्त झाली.

सोने 90,000 रुपयांची पातळी ओलांडणार

कोरोना विषाणूविरुद्ध लसीकरणाच्या गतीमध्ये वाढ झाल्यामुळे जगभरात सोन्याच्या किमतीत वाढ झाली. दरम्यान 25 कोटी डॉलरच्या क्वाड्रिगा इग्निओ फंड हाताळणारे डिएगो पॅरिला म्हणतात की, पुढील 3-5 वर्षांत सोन्याचे भाव दुप्पट होतील. या दरम्यान सोन्याची आंतरराष्ट्रीय किंमत 3000 ते 5000 डॉलर प्रति औंसपर्यंत पोहोचू शकते. जर आपण भारताच्या दृष्टिकोनातून डिएगोचा अंदाज समजून घेतला तर पुढील 5 वर्षांत सोन्याचे भाव प्रति 10 ग्रॅम 90,000 रुपयांची पातळी ओलांडू शकतात.

अशा प्रकारे तुम्ही सोन्याची शुद्धता तपासू शकता

आता जर तुम्हाला सोन्याची शुद्धता तपासायची असेल तर यासाठी सरकारने एक अॅप बनवले आहे. ‘BIS Care app’द्वारे ग्राहक सोन्याची शुद्धता तपासू शकतात. या अॅपद्वारे आपण केवळ सोन्याची शुद्धता तपासू शकत नाही, तर आपण त्याच्याशी संबंधित कोणतीही तक्रार देखील करू शकता. या अॅपमध्ये जर सामानाचा परवाना, नोंदणी आणि हॉलमार्क क्रमांक चुकीचा आढळला तर ग्राहक त्याबद्दल लगेच तक्रार करू शकतो. या अॅपद्वारे (गोल्ड), ग्राहकाला तक्रार नोंदवण्याची माहितीही लगेच मिळेल.

संबंधित बातम्या

RBI Monetary Policy Updates: RBIकडून सातव्यांदा रेपो रेट जैसे थेच, रिव्हर्स रेपो रेटमध्ये बदल नाही

सरकारचा मोठा निर्णय, रिटर्न न भरणारे 15 ऑगस्टपासून करू शकणार नाहीत हे काम

Gold Price Today: Gold is so cheap in 5 days, find out the price of 10 grams of gold