पेटीएम पेमेंट्स बँकेला मोठा धक्का, RBI ने एक कोटींचा दंड ठोठावला
पेटीएम पेमेंट्स बँकेच्या अर्जाची तपासणी करताना आरबीआयला आढळले की, पेटीएम पेमेंट्स बँकेने अशी माहिती दिली आहे, जी वास्तविक स्थिती दर्शवत नाही. "हे पेमेंट आणि सेटलमेंट सिस्टम कायद्याच्या कलम 26 (2) चे उल्लंघन करत असल्याने पेटीएम पेमेंट्स बँकेला नोटीस बजावण्यात आली होती," असे मध्यवर्ती बँकेने म्हटले.
मुंबई : देशातील आघाडीच्या पेमेंट बँकांपैकी एक असलेल्या पेटीएम पेमेंट्स बँकेला मोठा धक्का बसलाय. भारतीय रिझर्व्ह बँक अर्थात RBI (RBI) ने नियमांचे उल्लंघन केल्याबद्दल पेटीएम पेमेंट्स बँक लिमिटेड म्हणजेच PPBL ला एक कोटी रुपये दंड ठोठावण्यात आलाय. पेमेंट आणि सेटलमेंटच्या कलम 6 (2) चे उल्लंघन केल्याबद्दल हा दंड ठोठावण्यात आलाय.
पेमेंट आणि सेटलमेंट सिस्टम कायद्याच्या नियमांचे उल्लंघन करण्याशी संबंधित
रिझर्व्ह बँकेने जारी केलेल्या निवेदनात म्हटले आहे की, पेटीएम पेमेंट्स बँकेचे प्रकरण पेमेंट आणि सेटलमेंट सिस्टम कायद्याच्या नियमांचे उल्लंघन करण्याशी संबंधित आहे. मध्यवर्ती बँकेने म्हटले आहे की, अधिकृततेचे अंतिम प्रमाणपत्र जारी करण्यासाठी पेटीएम पेमेंट्स बँकेच्या अर्जाची तपासणी केल्यावर पेटीएम पेमेंट्स बँकेने अशी माहिती दिली आहे, जी वास्तविक स्थिती दर्शवत नाही.
पेटीएम पेमेंट्स बँकेला नोटीस बजावण्यात आली होती
रिझर्व्ह बँक ऑफ इंडियाने एका निवेदनात म्हटले आहे की, अधिकृततेचे अंतिम प्रमाणपत्र जारी करण्यासाठी पेटीएम पेमेंट्स बँकेच्या अर्जाची तपासणी करताना आरबीआयला आढळले की, पेटीएम पेमेंट्स बँकेने अशी माहिती दिली आहे, जी वास्तविक स्थिती दर्शवत नाही. “हे पेमेंट आणि सेटलमेंट सिस्टम कायद्याच्या कलम 26 (2) चे उल्लंघन करत असल्याने पेटीएम पेमेंट्स बँकेला नोटीस बजावण्यात आली होती,” असे मध्यवर्ती बँकेने म्हटले. वैयक्तिक सुनावणीदरम्यान प्राप्त लेखी उत्तरे आणि तोंडी इनपुटचे पुनरावलोकन केल्यानंतर आरबीआयने पुनरावलोकन केल्यानंतर आरोप खरे असल्याचे आढळले. यानंतर पीपीबीएलवर दंड आकारण्याची कारवाई करण्यात आली.
वेस्टर्न युनियनला 27.8 लाख रुपयांचा दंड
पेटीएम पेमेंट्स बँक व्यतिरिक्त आरबीआयने वेस्टर्न युनियन फायनान्शिअल सर्व्हिसेसविरोधात दुसऱ्या प्रकरणात मोठी कारवाई केली. मध्यवर्ती बँकेने वेस्टर्न युनियनला 27.8 लाख रुपयांचा दंड ठोठावला. मध्यवर्ती बँकेने म्हटले आहे की, वेस्टर्न युनियनने मनी ट्रान्सफर सर्व्हिस स्कीम (एमटीएसएस) च्या काही नियमांचे उल्लंघन केले. वेस्टर्न युनियनला एका आर्थिक वर्षात 30 पेक्षा जास्त पैसे पाठवण्याची परवानगी दिल्याबद्दल दंड ठोठावण्यात आला.
अलीकडेच RBI ने SBI ला एक कोटी रुपयांचा दंड ठोठावला
अलीकडेच RBI ने देशातील सर्वात मोठी सरकारी बँक SBI ला दंड ठोठावला. नियामक सूचनांचे पालन न केल्याने आरबीआयने एसबीआयला एक कोटी रुपयांचा दंड ठोठावला. भारतीय रिझर्व्ह बँक (फसवणूकीचे वर्गीकरण आणि व्यावसायिक बँकांद्वारे अहवाल आणि निवडक वित्तीय संस्था) निर्देश 2016 मधील निर्देशांचे पालन न केल्याबद्दल एसबीआयवर ही कारवाई करण्यात आली.
संबंधित बातम्या
ब्रिटनने फेसबुकला 500 कोटींपेक्षा जास्त दंड ठोठावला, जाणून घ्या कारण
पीएम मोदींची मुख्य कार्यकारी अधिकाऱ्यांसोबत बैठक; पेट्रोल अन् डिझेलच्या किमती कमी होणार?