आता बसणार गुणवत्तेबाबतच्या तडजोजीला आळा; सोयाच्या प्रत्येक उत्पादनावर ISI मार्क वापरण्याचे आदेश

Image Credit source: टीव्ही 9 मराठी

मुंबई : आता इथून पुढे सोयाबीनपासून तयार होणाऱ्या प्रत्येक उत्पादनावर आयएसआय (ISI) मार्क वापरणे बंधनकारक असणार आहे. तसे आदेश भारतीय मानक ब्युरोकडून (Bureau of Indian Standards) उत्पादकांना देण्यात आले आहेत. सोयाबीनपासून निर्माण होणाऱ्या उत्पादनाला मोठी मागणी आहे. ग्राहकांमध्ये दिवसेंदिवस वाढ होत आहे. या सर्व पार्श्वभूमीर भारतीय मानक ब्युरोकडून उत्पादकांना सोयाबीनपासून तयार होणाऱ्या उत्पादनावर आयएसआय मार्क वापण्याचे आदेश देण्यात आले आहेत. याबाबत बोलताना भारतीय प्रमाणीकरण संस्था बीआयएस (BIS)च्या अधिकाऱ्यांनी म्हटले आहे की, दिवसेंदिवस सोया उत्पादनाच्या ग्राहक वर्गात वाढ होत आहे. अशा स्थितीमध्ये ग्राहकांना दर्जेदार आणि शुद्ध उत्पादन मिळावे, भेसळीपासून ग्राहकांचे संरक्षण व्हावे यासाठी हा निर्णय घेण्यात आला आहे. यामुळे ग्राहकांचा फायदा होणार आहे.

गुणवत्ता सुधारण्यास मदत

पुढे बोलताना ‘बीआयएस’ने म्हटले आहे की, सोयाबीन पासून तयार होणाऱ्या उत्पादनावर आयएसआय मार्क वापरल्यास संबंधित उत्पादनाचे प्रामाणिकर होऊन, त्याच्या गुणवत्तेबाबत तडजोड होणार नाही. यापूर्वी सोया आटा, सोया मिल्क, सोया नट्स आणि सोया बटर या उत्पादनावर ऑलरेडी आयएसआय मार्क वापरण्यात येत होता. आता सोयाबीनपासून तयार होणाऱ्या सर्वच पदार्थांवर आयएसआय मार्क वापरण्यात येणार आहे.

आएसआय मार्क म्हणजे काय?

दरम्यान 1955 पासून भारतीय औद्योगिक उत्पादनावर ISI मार्कचा वापर करण्यात येतो. आएसआय मार्ककडे शुद्धतेचे प्रतिक म्हणून पाहिले जाते. त्यामुळे ज्या वस्तुवर आयएसआय मार्क आहे त्याच वस्तु खरेदी करण्याचा सल्ला दिला जातो. ज्या वस्तुवर आएसआय मार्क आहे त्या वस्तुचे उच्चास्थरावर प्रामाणिकरण करण्यात आलेले असते. त्यामुळे अशा वस्तुंमध्ये भेसळीची शक्यता नसते. सोन्या सारख्या मौल्यवान धातूंवर देखील हॉलमार्क वापरण्यात येतो.

संबंधित बातम्या

देशाच्या 28 टक्के गुंतवणूक एकट्या महाराष्ट्रात, राज्याच्या आर्थिक पाहणी अहवालात आणखी काय?; वाचा सविस्तर

कोरोनाचा प्रभाव वसरला; सोन्याची विक्रमी आयात, 2021 मध्ये 27 टक्क्यांची वाढ

पाच राज्यातील विधानसभा निकालानंतर इंधनाचे नवे दर जाहीर, जाणून घ्या आजचे पेट्रोल, डिझेलचे भाव