आता दूधाच्या नावावर फसवणूक होणार नाही; एफएसएसएआयने दिले ‘हे’ महत्वाचे निर्देश

आता दूधाच्या नावावर फसवणूक होणार नाही; एफएसएसएआयने दिले 'हे' महत्वाचे निर्देश

नवी दिल्ली : दुधाच्या नावावर कंपन्या आता फसवू शकणार नाहीत. आता ‘दूध’ हा शब्द सोया मिल्क किंवा बदाम दूध असलेल्या उत्पादनांच्या पॅकेटवर वापरला जाणार नाही. अन्न नमुना सर्वेक्षण प्राधिकरणाने (FSSAI) यासंदर्भात निर्देश जारी केले आहेत. एफएसएसएआयने आपल्या आदेशात म्हटले आहे की दुग्ध आणि दुग्धजन्य पदार्थांशी संबंधित शब्द यापुढे नॉन-डेअरी प्रोडक्ट्स आणि वनस्पती आधारित उत्पादनांवर वापरले जाणार नाहीत. दुग्धजन्य पदार्थ नसतानाही कंपन्या दूध हा शब्द वापरतात. यामध्ये सोया मिल्क, बदाम दूध इ. अशा उत्पादनांवर ‘दूध’ ठळक अक्षरात लिहिलेले आहे. पण आता हे होणार नाही. एफएसएसएआयने ई-कॉमर्स कंपन्यांना अशा उत्पादनांवर ‘दूध’ हा शब्द वापरू नये, असे निर्देश दिले आहेत. (There will no longer be fraud in the name of milk; This important instructions given by FSSAI)

केवळ दुग्धजन्य पदार्थांवरच ‘दूध’ शब्द वापरला जाईल

एफएसएसएआयने आपल्या निर्णयात म्हटले आहे की दूध हा शब्द फक्त जनावरांपासून मिळणाऱ्या दुधाच्या पॅकवर आणि त्यापासून बनवलेल्या उत्पादनांवर वापरला जावा. दूध आणि दुग्धशाळेशी संबंधित शब्द प्लान्ट बेस उत्पादनावर वापरले जाणार नाहीत. जरी पीनट बटर मिल्क आणि कोकोनट मिल्क या शब्दांचा वापर करता येऊ शकेल. या शब्दांना अपवाद म्हणून ठेवण्यात आले आहे.

दिल्ली उच्च न्यायालयात प्रकरण

या प्रकरणाची दिल्ली उच्च न्यायालयात सुनावणीही सुरू होती. सहकारी दुग्ध क्षेत्राची सर्वोच्च संस्था नॅशनल को-ऑपरेटिव्ह डेअरी फेडरेशन ऑफ इंडियाने (National Cooperative Dairy Federation of India (NCDFI) हे प्रकरण उच्च न्यायालयात नेले होते. संस्थेने याचिकेत युक्तिवाद केला की सोया दूध आणि बदामापासून बनवलेल्या उत्पादनांना ‘दूध’ म्हणता येणार नाही. याचिकेवर दिल्ली उच्च न्यायालयाने एफएसएसएआय, दिल्ली सरकारसह अनेक कंपन्यांना नोटीस बजावून त्यांची बाजू जाणून घेतली होती.

अन्न सुरक्षा नियम आणि मानकांकडे दुर्लक्ष!

बाजारात अनेक उत्पादने विकली जात आहेत, ज्यामध्ये अन्न सुरक्षा नियम आणि मानकांची काळजी घेतली जात नाही. ओट्सचे दूध, बदामाचे दूध, सोया दूध, टोफू पनीर अशी अनेक उत्पादने नियमांचे उल्लंघन करून विकली जात आहेत. एफएसएसएआयने अशा उत्पादनांवर कारवाई करण्याचे निर्देश दिले आहेत.

एफएसएसएआयने यासंदर्भात एक पत्र जारी केले आहे आणि कारवाईसाठी मोहीम चालवण्याच्या सूचना जारी केल्या आहेत. या निर्णयामुळे एफएसएसएआयद्वारे नॉन-डेअरी प्रॉडक्ट्स आणि प्लांट बेस डेअरी प्रोडक्ट्सच्या पॅकवर दूध या शब्दाच्या वापरावर पूर्णपणे बंदी घालण्यात येणार आहे.

एफएसएसएआयच्या अधिसूचनेमध्ये असे म्हटले आहे की, दूध हा शब्द फक्त जनावरांपासून मिळणाऱ्या दुधाच्या पॅकवर आणि त्यापासून बनवलेल्या उत्पादनांवर वापरावा. सध्या असे अनेक ब्रॅण्ड आहेत, ज्यात सोया, ओट्स, काजू, बदाम, अक्रोड, सोया, बदाम दूध आणि इतर वस्तू दुधाचे पदार्थ म्हणून विकल्या जातात, पण आता त्यावर बंदी येणार आहे. (There will no longer be fraud in the name of milk; This important instructions given by FSSAI)

इतर बातम्या

पीएम किसानचा हप्ता घेणाऱ्या शेतकऱ्यांना मिळू शकतो पेन्शन लाभ, या योजनेअंतर्गत जमा करावे लागतील इतके पैसे

JEE Main Result 2021 : जाणून घ्या जेईई मेनचा निकाल कधी येणार, अशा प्रकारे तपासू शकाल