‘या’ योजनेत तुम्हाला 6 हजार मिळणार, आजपासून येथे अर्ज करा, जाणून घ्या प्रक्रिया?

Pension fund

नवी दिल्ली : भारतातील बहुतेक ग्रामीण नागरिक उदरनिर्वाहासाठी शेतमजुरीवर अवलंबून असतात. विशेष म्हणजे शेतकऱ्यांसाठी राजीव गांधी ग्रामीण भूमिहीन कृषी मजदूर न्याय योजना (Rajiv Gandhi Gramin Bhumihin Krishi Majdur Nyay Yojana) छत्तीसगड सरकार चालवत आहे. 10 लाखांहून अधिक भूमिहीन शेतमजुरांना या योजनेचा लाभ मिळणार आहे. प्रत्येक कुटुंबाला वार्षिक 6000 रुपयांची आर्थिक मदत दिली जाणार आहे. या योजनेद्वारे शेतमजुरांना आर्थिक मदत दिली जाते. चालू आर्थिक वर्ष 2021-22 पासून या योजनेअंतर्गत नोंदणी आणि अर्जाचे काम सुरू होणार आहे.

राजीव गांधी कृषी मजदूर न्याय योजना काय?

राजीव गांधी ग्रामीण भूमिहीन कृषी मजदूर न्याय योजनेंतर्गत (Rajiv Gandhi Gramin Bhumihin Krishi Majdur Nyay Yojana) भूमिहीन शेतमजुरांना वर्षाला 6,000 रुपयांची आर्थिक मदत दिली जाते. या योजनेची ही आर्थिक रक्कम कुटुंबप्रमुखाला दिली जाते. या योजनेचा लाभ घेण्यासाठी तुम्हाला अधिकृत संकेतस्थळावर नोंदणी करावी लागेल. 1 सप्टेंबर ते 30 नोव्हेंबर या कालावधीत तुम्ही या योजनेंतर्गत नोंदणीसाठी अर्ज करू शकाल, यासाठी तुमचा अर्ज संबंधित ग्रामपंचायतीच्या सचिवांकडे सादर करावा लागेल.

कोण अर्ज करू शकतो?

जे मूळ छत्तीसगडचे रहिवासी कामगार आहेत, त्यांना या योजनेचा लाभ मिळेल. जर अर्जदाराकडे कोणतीही शेतजमीन नसेल, त्याची उपजीविका शारीरिक श्रम असेल तर तो या योजनेचा लाभ घेऊ शकतो. अर्जदाराच्या कुटुंबातील कोणत्याही सदस्यानेही शेतजमीन घेऊ नये. जर कुटुंबप्रमुखाकडे निवासी जमीन असेल तर योजनेचा लाभ मिळू शकतो.

अर्ज कुठे करावा हे माहीत आहे?

या योजनेचा लाभ घेण्यासाठी तुम्ही https://rggbkmny.cg.nic.in/ या अधिकृत वेबसाईटला भेट देऊन अर्ज करू शकता. यासाठी तुमच्याकडे आधार कार्ड असणे आवश्यक आहे.

संंबंधित बातम्या

Canara आणि IDBI बँकेने व्याजदर बदलले, आता एफडीवर किती फायदा?

एनपीएस नियमांमध्ये मोठा बदल, प्रवेश वयोमर्यादा वाढली, जाणून घ्या काय बदलले?

You will get Rs 6,000 in this scheme, apply here from September 1, know the process?