पोलीस असल्याचं भासवत लुटलेला दीड कोटीचा मुद्देमाल जप्त; पुणे ग्रामीण पोलिसांकडून अवघ्या 72 तासांत आरोपींना बेड्या

णे ग्रामीण पोलिसांनी अवघ्या 72 तासांत आरोपींच्या मुसक्या आवळल्या आहेत. त्यांच्याकडून तब्बल 1 कोटी 54 हजार 540 रुपये किमतीचा मुद्देमाल हस्तगत केलाय.

पोलीस असल्याचं भासवत लुटलेला दीड कोटीचा मुद्देमाल जप्त; पुणे ग्रामीण पोलिसांकडून अवघ्या 72 तासांत आरोपींना बेड्या
एसटी बसमध्ये दीड कोटीची लूट करणारे 3 आरोपी ताब्यात
Follow us
| Updated on: Aug 06, 2021 | 2:36 PM

पुणे : पुणे-सोलापूर महामार्गावर 6 जणांनी एक एसटी बस अडवून तब्बल दीड कोटीचा मुद्देमाल लंपास केला होता. महत्वाची बाब म्हणजे या आरोपींनी पोलीस असल्याचं भासवत ही लूट घडवून आणली होती. पोलिसांचा गणवेश परिधान करत या आरोपींनी पुणे-सोलापूर महामार्गावर एसटी बस थांबवली. त्यानंतर एसटीतील 4 जणांना त्यांच्या बॅगसह खाली उतरवलं. त्यानंतर त्या प्रवाशांजवळील दीड कोटीचा मुद्देमाल घेत तिथून पोबारा केला होता. त्यानंतर पुणे ग्रामीण पोलिसांनी अवघ्या 72 तासांत आरोपींच्या मुसक्या आवळल्या आहेत. त्यांच्याकडून तब्बल 1 कोटी 54 हजार 540 रुपये किमतीचा मुद्देमाल हस्तगत केलाय. (3 accused in ST bus robbery arrested by Pune Rural Police)

पुणे जिल्ह्यातील पाटस टोल नाक्यावर हा लुटीचा प्रकार घडला होता. हितेंद्र जाधव यांनी याबाबत तक्रार दाखल केली होती. हे प्रवाशी एका कुरिअर कंपनीचे पैसे घेऊन जात होते. निलंगा, लातूर आणि सोलापूर इथून कुरिअर कंपनीचे लोक एसटी बसमध्ये बसले होते. त्यावेळी एसटी बसला गाडी आडवी लावून आरोपींनी प्रवाशांची लूट केली होती. त्यात सोन्याचे दागिने, रोख रक्कम असा एकूण 1 कोटी 12 लाख 36 हजार 860 रुपयांची ही लूट होती. पोलिसांनी अवघ्या 72 तासांत आरोपींना बेड्या ठोकल्या आहेत. एकूण 6 आरोपींपैकी 3 जणांना ताब्यात घेण्यात पोलिसांना यश आलंय. तर तीन आरोपी अद्याप फरार असल्याची माहिती मिळतेय.

3 आरोपींना बेड्या, 3 आरोपींचा शोध सुरु

पुणे ग्रामीण पोलिसांच्या गुन्हे शाखेनं ताब्यात घेतलेले हे आरोपी शिरुर तालुक्यातील आहेत. रामदास भोसले (30 वर्षे), तुषार तांबे (22 वर्षे), भरत बांगर (36 वर्षे) अशी पोलिसांनी ताब्यात घेतलेल्या आरोपींची नावं आहेत. आरोपींनी लुटलेली रक्कम एका उसाच्या शेतात लपवून ठेवली होती. पोलिसांनी केलेल्या कारवाईत एक स्विफ्ट कार, एक बुलेट आणि एक ज्युपिटर मोटार सायकल जप्त केली आहे. पुणे ग्रामीण पोलीस अधीक्षक अभिनव देशमुख यांनी पत्रकार परिषदेत ही माहिती दिली आहे.

पोलिसांना संशय

दरम्यान, या प्रकरणी पोलीस पुढील कारवाई करत आहेत. पैसे घेऊन जाणाऱ्यांपैकी कुणीतरी आरोपींना माहिती दिल्याचा पोलिसांना संशय आहेत. डिजिटल व्यवहार होत असताना एवढी मोठी रक्कम बसने मुंबईला का घेऊन जात होते? असा प्रश्नही उपस्थित करण्यात आला आहे. त्यानुसार आता पोलीस तपास करत आहेत.

इतर बातम्या :

पुण्यात मयत गुंडाच्या वाढदिवसाचे सेलिब्रेशन, तलवार-पिस्तुलीसह डान्स, 22 वर्षीय तरुणाला अटक

गुंगीचे औषध पाजून विवाहितेवर अत्याचार, अश्लील व्हिडिओ व्हायरल करण्याची धमकी, पीडितेकडे 10 लाखांची मागणी

3 accused in ST bus robbery arrested by Pune Rural Police

Non Stop LIVE Update
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?.
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती.
तटकरे पडणार ही काळ्या दगडावरची पांढरी रेघ, शेकापचे जयंत पाटीलांचा दावा
तटकरे पडणार ही काळ्या दगडावरची पांढरी रेघ, शेकापचे जयंत पाटीलांचा दावा.
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?.
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन.