चारित्र्याच्या संशयातून पतीने दोन वर्षाच्या मुलासह पत्नीसोबत हैवानी कृत्य, 4 वर्षाच्या मुलासमोरच…
शकूरपूर येथील रहिवासी बृजेश याला गेल्या काही दिवसांपासून पत्नीचे दुसऱ्या पुरुषासोबत अनैतिक संबंध असल्याचा संशय होता. यावरुन अनेकदा त्यांच्यात वाद होत होते. याच वादातून आरोपीने पत्नी आणि मुलाचा काटा काढला.
नवी दिल्ली : चारित्र्याच्या संशयातून पतीने पत्नीसह दोन वर्षाच्या मुलाची हत्या केल्याची धक्कादायक घटना नवी दिल्लीत उघडकीस आली आहे. धक्कदायक म्हणजे 4 वर्षाच्या मुलासमोरच पतीने पत्नी आणि लहान मुलाचा चाकून भोसकले. पोलिसांनी आरोपीला अटक केली असून, पोलीस त्याची अधिक चौकशी करत आहेत. बृजेश असे हत्या करणाऱ्या आरोपी पतीचे नाव आहे. दिल्लीतील नेताजी सुभाष प्लेस पोलीस ठाण्याअंतर्गत शकूरपूर येथे ही घटना घडली. पोलिसांनी घटनेची माहिती मिळताच घटनास्थळी दाखल होत मृतदेह ताब्यात घेत शवविच्छेदनासाठी रुग्णालयात पाठवले. आरोपीकडून गुन्ह्यात वापरलेले हत्यारही जप्त केले आहे.
4 वर्षाच्या मुलासमोरच पत्नी आणि छोट्या मुलाला संपवले
शकूरपूर येथील रहिवासी बृजेश याला गेल्या काही दिवसांपासून पत्नीचे दुसऱ्या पुरुषासोबत अनैतिक संबंध असल्याचा संशय होता. यावरुन अनेकदा त्यांच्यात वाद होत होते. याच वादातून आरोपीने पत्नी आणि मुलाचा काटा काढला. मोठ्या मुलासमोरच पत्नी आणि छोट्या मुलाला चाकूने भोसकून त्यांची हत्या केली.
छोटा मुलगा पत्नीला अनैतिक संबंधातून झाल्याचा संशय होता
मोठा मुलगा आपल्यापासून झाला आहे आणि छोटा मुलगा पत्नीच्या अनैतिक संबंधातून झाल्याचा आरोपीला संशय होता. याच संशयातून त्याने पत्नीसह दोन वर्षाच्या मुलालाही संपवले. घटनचेी माहिती मिळताच पोलीस तात्काळ घटनास्थळी रवाना झाले. पोलिसांनी घटनास्थळावरुन आरोपीला अटक केली आहे. पोलीस आरोपीची अधिक चौकशी करत आहेत.
