गाडी लावण्याच्या कारणातून वाद, दोन गटात तुंबळ हाणामारी; तीन गंभीर जखमी
या दोन गटात गेल्या आठवड्यात यात्रेत वाद झाला होता. त्यानंतर आज पुन्हा गाडी लावण्याच्या कारणावरून भांडण झाले. या भांडणाचे रूपांतर दगडफेकीमध्ये झाले. या दोन गटांमध्ये झालेल्या दगडफेकीत दोन जण गंभीर जखमी झाले आहेत.
अहमदनगर : जुन्या वादातून दोन गटात तुंबळ हाणामारी (Fighting) झाल्याची घटना अहमदनगरमध्ये घडली आहे. या हाणामारीत तीन जण गंभीर जखमी (Injured) झाले आहेत. जखमींवर शासकीय दवाखान्यात उपचार सुरू आहेत. या प्रकरणी 17 जणांविरोधात परस्परविरोधी दोन गुन्हे एमआयडीसी पोलीस ठाण्यामध्ये दाखल करण्यात आले आहेत. याप्रकरणी 12 आरोपींना पोलिसांनी अटक (Arrest) केली आहे. घटनास्थळी माजी मंत्री राम शिंदे, शिवाजी कर्डीले यांनी भेट घेतली. तसेच आरोपींवर कठोर कारवाई करण्याची मागणी केली आहे.
गाडी लावण्याच्या कारणातून भांडण
या दोन गटात गेल्या आठवड्यात यात्रेत वाद झाला होता. त्यानंतर आज पुन्हा गाडी लावण्याच्या कारणावरून भांडण झाले. या भांडणाचे रूपांतर दगडफेकीमध्ये झाले. या दोन गटांमध्ये झालेल्या दगडफेकीत दोन जण गंभीर जखमी झाले आहेत. त्यांच्यावर अहमदनगर येथील शासकीय रुग्णालयामध्ये उपचार सुरू आहेत.
गावात तणावपूर्ण वातावरण
याप्रकरणाची गंभीर दखल घेत जिल्हा पोलीस अधीक्षक मनोज पाटील यांनी पोलीस बंदोबस्ताचे आदेश दिले. पोलीस अन्य आरोपींचा कसून शोध घेत आहेत. क्षुल्ल्क कारणावरुन झालेल्या वादाचे हाणामारीत रुपांतर होऊन दगडफेकही झाल्याने गावात तणावपूर्ण वातावरण निर्माण झाले आहे. (Clash between two groups due to parking dispute; Three seriously injured)
