एकनाथ शिंदेंविषयी आक्षेपार्ह फेसबुक पोस्ट, मराठी अभिनेत्याला अटक
नगरविकास मंत्री एकनाथ शिंदे यांच्याविरुद्ध अभिनेते मयुरेश कोटकर यांनी सोशल मीडियावर आक्षेपार्ह पोस्ट केली होती.
ठाणे : ठाण्याचे पालकमंत्री आणि शिवसेना नेते एकनाथ शिंदे (Eknath Shinde) यांच्याविरुद्ध सोशल मीडियावर आक्षेपार्ह पोस्ट केल्याप्रकरणी मराठी अभिनेत्याला अटक करण्यात आली आहे. मराठी कलाकार मयुरेश कोटकर (Mayuresh Kotkar) यांना ठाण्यातील श्रीनगर पोलिसांनी अटक केली. कोटकर यांना आता न्यायालयीन कोठडी सुनावण्यात आलेली आहे. मयुरेश कोटकर यांनी अनेक मालिकांमध्ये काम केले आहे. (Marathi artist Mayuresh Kotkar arrested for posting objectionable statement on social media against Eknath Shinde)
काय आहे प्रकरण?
नवी मुंबई येथे होणाऱ्या आंतरराष्ट्रीय विमानतळासाठी दि बा पाटील यांचे नाव देण्यात यावे, यासाठी आगरी समाजाने रस्त्यावर उतरुन मानवी साखळी तयार केली होती. त्यावेळीही मयुरेश कोटकर उतरले होते. त्यानंतर नगरविकास मंत्री एकनाथ शिंदे यांच्याविरुद्ध कोटकरांनी सोशल मीडियावर आक्षेपार्ह पोस्ट केली होती.
शिवसेना कार्यकर्त्यांची पोलिसात तक्रार
शिवसेना कार्यकर्त्यांकडून पोलिस स्थानकात तक्रार दाखल झाल्यानंतर पोलिसांनी याबाबत गुन्हा दाखल केला होता. अटकेनंतर कोटकर यांना न्यायालयीन कोठडी सुनावण्यात आली. त्यांना आज जामीन मिळण्याची शक्यता व्यक्त केली जात आहे.
Maharashtra: Thane’s Srinagar police arrested Marathi artist Mayuresh Kotkar for allegedly posting an objectionable statement on social media against state minister Eknath Shinde. He has been sent to judicial custody. Police complaint in this regard was filed by Shiv Sena workers
— ANI (@ANI) June 15, 2021
पनवेलच्या उपमहापौरांवर गुन्हा
रायगडचे आगरी खूप डेंजर आहेत, ते आपल्या घरात कोयते ठेवतात. त्यामुळे एअरपोर्टला नाव द्यायला आल्यास ते परत जाणार नाहीत, असं वक्तव्य सोशल मीडियावर केल्याने पनवेल महापालिकेचे उपमहापौर जगदीश गायकवाड (Jagdish Gaikwad) यांच्यावर गुन्हा दाखल करण्यात आला होता. मुख्यमंत्री उद्धव ठाकरे (CM Uddhav Thackeray) आणि नगरविकास मंत्री एकनाथ शिंदे (Eknath Shinde) यांच्यासह शिवसेनाप्रमुख बाळासाहेब ठाकरेंविषयी एकेरी शब्द वापरत गायकवाडांनी बदनामीकारक वृत्त खाजगी युट्यूब चॅनलवरुन प्रसारित केल्याचा आरोप आहे,
संबंधित बातम्या
बाळासाहेब की दि. बा. पाटील?, राज्य सरकारचं ठरलं, नवी मुंबई विमानतळाच्या नावाबद्दल मोठा निर्णय!
VIDEO | रायगडचे आगरी खूप डेंजर, घरात कोयते ठेवतात, पनवेलचे उपमहापौर जगदीश गायकवाड यांच्यावर गुन्हा
(Marathi artist Mayuresh Kotkar arrested for posting objectionable statement on social media against Eknath Shinde)