जेवणाची चव चांगली नाही म्हणाला, संतप्त हॉटेल मालकाने ग्राहकावर गरम तेल फेकले !
ओडिसातील कटक शहरातील बालीचंद्रपूर गावात राहणारे प्रसनजीत परिदा शनिवारी गावातील एका भोजनालयात जेवायला गेले होते. प्रसनजीत यांनी आपले जेवण ऑर्डर केले. मात्र जेवण जेवले असता त्यांना जेवणाची चव आवडली नाही.
कटक : जेवणाची चागंली नाही सांगितले म्हणून संतापलेल्या हॉटेल मालकाने ग्राहकांवर उकळते तेल (Hot Oil) फेकल्याची धक्कादायक घटना ओडिसातील कटक शहरात घडली आहे. या घटनेत ग्राहक गंभीर भाजला (Major Burned) आहे. त्याच्यावर रुग्णालयात उपचार सुरु आहेत. या घटनेनंतर आरोपी हॉटेल मालक फरार (Hotel Owner Absconding) झाला आहे. पोलिसांनी गु्न्ह्याची नोंद करत आरोपीचा शोध सुरु केला आहे.
काय आहे प्रकरण?
ओडिसातील कटक शहरातील बालीचंद्रपूर गावात राहणारे प्रसनजीत परिदा शनिवारी गावातील एका भोजनालयात जेवायला गेले होते. प्रसनजीत यांनी आपले जेवण ऑर्डर केले. मात्र जेवण जेवले असता त्यांना जेवणाची चव आवडली नाही.
ग्राहकाने जेवणाला चांगली चव नसल्याचे सांगितले
प्रसनजीत यांनी हॉटेल मालकाला जेवण चांगले नसल्याची तक्रार केली. आपल्या हॉटेलमधील जेवणाबाबत नकारात्म्क प्रतिक्रिया दिल्याने हॉटेल मालक संतापला. यानंतर हॉटेल मालक प्रवाकर साहू आणि प्रसनजीत यांच्यात जोरदार वादावादी सुरु झाली. हळूहळू या वादावादीचे हाणामारीत रुपांतर झाले.
संतप्त हॉटेल मालकाने गरम तेल अंगावर फेकले
यानंतर रागाच्या भरात प्रवाकर साहूने गरम तेल प्रसनजीतवर टाकले. यात ते गंभीर भाजले. यानंतर तेथे उपस्थिक लोकांनी तात्काळ त्यांना कटकमधील एससीबी मेडिकल कॉलेजमध्ये नेले. प्रसनजीत यांच्या चेहरा, मान, छाती, पोट आणि हाताला गंभीर भाजले आहे.
पोलिसांकडून फरार हॉटेल मालकाचा शोध सुरु
याप्रकरणी बालीचंद्रपूर पोलीस ठाण्यात गुन्हा नोंद करण्यात आली आहे. आरोपीचा कसून शोध घेतला जात आहे. लवकरच आरोपीला अटक केली जाईल, असे बालीचंद्रपूर पोलीस ठाण्याचे पोलीस निरीक्षक रमाकांत मुदुली यांनी सांगितले.
