या जिल्ह्यात वीजबिल वसुलीसाठी गेलेल्या कर्मचाऱ्यांना बेदम मारहाण, दोघांवर गुन्हा दाखल

बुलढाणा – बुलढाणा (Buldhana) जिल्ह्याच्या मलकापूर शहरातील (Malkapur City) पारपेट परिसरात विद्युत बिल वसुलीसाठी गेलेल्या महावितरण कर्मचाऱ्यांना दोघांनी अश्लील भाषेत शिवीगाळ करून मारहाण केल्याची घटना घडली. या प्रकरणी आरोपीवर विविध कलमान्वये मलकापुर शहर पोलीस (Malkapur City police) स्टेशनला गुन्हा दाखल करण्यात आला आहे. या घटनेचा व्हिडिओ सोशल मीडियावर व्हायरल झाला असून संपुर्ण जिल्ह्यात या प्रकरणाची चर्चा आहे.

मलकापूर येथील महावितरण कर्मचारी प्रकाश पवार आणि संतोष झनके हे वरिष्ठांच्या आदेशाने वीजबिल थकबाकीदार ग्राहकांची यादी सोबत घेवून वीजबिल वसुलीसाठी शहरात गेले होते. त्यावेळी पारपेठ परिसरात राहणारे बिसमील्ला खान अमिर खान यांच्याकडे वीज बिल थकल्याने त्यांना वीज बिल भरा नाहीतर कनेक्शन कट करावे लागेल असं सांगितलं.

त्यानंतर खरी वादाला सुरुवात झाली, वडिल आणि मुलाने कर्मचाऱ्यांना अश्लील भाषेत शिवीगाळ केली. धमकी देत मारहाण केल्याची तक्रार पोलिस स्टेशनमध्ये दाखल झाली आहे. या प्रकरणाची दखल घेत मलकापूर शहर पोलीस स्टेशनला माजीद शेख, मुसा शेख आणि शेख जावेद शेख उमर यांच्यावर शासकीय कामात अडथळा निर्माण करुन मारहाण केल्याचा गुन्हा दाखल करण्यात आला आहे.