साडीने गळा आवळून वडिलांची हत्या, आत्महत्येचा बनाव, हिंगोलीतील तरुणाचं बिंग आठ महिन्यांनी फुटलं
हिंगोली जिल्ह्यातील वसमत तालुक्यातील कुरुंदा येथे हा प्रकार घडला होता. आठ महिन्यांपूर्वी 38 वर्षीय व्यक्तीने आत्महत्या केल्याची घटना घडली होती. पिंटू घोंगडे यांनी साडीने गळफास घेऊन आयुष्य संपवल्याचं समोर आलं होतं.
हिंगोली : आठ महिन्यांपूर्वी झालेल्या आत्महत्या प्रकरणात धक्कादायक खुलासा झाला आहे. हिंगोलीतील 38 वर्षीय व्यक्तीने फेब्रुवारी महिन्यात गळफास घेतला होता. मात्र ही आत्महत्या नसून खून असल्याचं समोर आलं आहे.
काय आहे प्रकरण?
हिंगोली जिल्ह्यातील वसमत तालुक्यातील कुरुंदा येथे हा प्रकार घडला होता. आठ महिन्यांपूर्वी 38 वर्षीय व्यक्तीने आत्महत्या केल्याची घटना घडली होती. पिंटू घोंगडे यांनी साडीने गळफास घेऊन आयुष्य संपवल्याचं समोर आलं होतं.
नेमकं काय घडलं?
आत्महत्या प्रकरणाचा तपास सुरु असताना पिंटू घोंगडेंच्या मुलानेच आपल्या वडिलांचा खून केल्याचं समोर आलं आहे. वडील दररोज व्यसन करत असल्याने पोटच्या मुलानेच त्यांची साडीच्या सहाय्याने गळा आवळून हत्या केल्याचं तपासात उघड झालं आहे.
पोस्टमार्टम रिपोर्टमध्ये बिंग फुटलं
हत्या केल्या पिंटू घोंगडेंच्या मुलाने त्यांनी वडिलांचा मृत्यू हा आत्महत्या असल्याचा भास निर्माण करण्याचा प्रयत्न केला. वडिलांनी गळफास घेतल्याचा बनाव केल्याचा धक्कादायक प्रकार शवविच्छेदानच्या अहवालात 8 महिन्यांनंतर समोर आला आहे.
संबंधित बातम्या :
दहा दिवस पोलिसांना गुंगारा, पोटच्या पोरीला टाकीत बुडवून मारणारी आई Google मुळे कशी सापडली?
आई-वडिलांच्या भांडणात मध्यस्थी, बापाकडून मानेवर कोयत्याने वार, बारामतीत तरुणाचा मृत्यू
