इतर पर्यटक पाहून उत्साह वाढला, पोहण्यासाठी तलावात उतरला, शेवटी…
काल गटारी साजरी करीत असताना अनेकांचा मृत्यू झाला आहे. मुंबईतल्या एका तरुणाचा देखील खालापूर येथे मृत्यू झाला आहे. ज्यावेळी ही घटना घडली. त्यावेळी...
खालापूर : काल महाराष्ट्रात (Maharashtra crime news) अनेक पर्यटन ठिकाणी अनेकांनी गटारी साजरी केली. धबधब्याजवळ (pune khalapur news) अनेकांचा मृत्यू झाला आहे. महाराष्ट्रात काल अनेक घटना घडल्या आहेत. रविवार सुट्टीचा दिवस असल्याने अनेकजण नदी, तलाव, धबधब्यांवर पावसाळी सहलीचा आनंद घेत होते. खालापूर तालुक्यातील नढाळ तलावातही (nadhal lake) अनेक पर्यटक पोहण्याचा आनंद घेत होते. त्याचवेळी मुंबईतील एका अति उत्साही व्यक्तीचा तलावात बुडून मृत्यू झाला. ज्यावेळी त्या तरुणाचा मृत्यू झाला, त्यावेळी त्याच्या कुटुंबियांना मोठा धक्का बसला आहे.
मुंबईतील धारावी येथील विनोद गजाकोश आपल्या मित्रांसोबत गटारी सेलिब्रेशन करण्यासाठी नढाळ तलावावर गेला होता. मागच्या काही दिवसांपासून मुसळधार पाऊस असल्यामुळं नढाळ तलाव दुथडी भरून वाहतो. त्या पाण्यात पोहण्यासाठी विनोद गजाकोश उतरला होता. त्याला पाण्याचा अंदाज न आल्याने तो गटांगळ्या खाऊ लागला. त्याला पाण्याच्या बाहेर येता आले नाही. त्यामुळे त्याचा पाण्यात बुडून मृत्यू झाला.
या घटनेची माहिती मिळाल्यानंतर, तहसिलदार आयुब तांबोळी यांनी चौकचे मंडळ अधिकारी किरण पाटील, सहायक पोलिस निरीक्षक युवराज सुर्यवंशी यांना सूचना दिल्या. त्यानंतर घटनास्थळी पोलिस आणि एक पथक दाखल झालं होतं. त्यानंतर त्या तरुणाचा शोध घ्यायला सुरुवात झाली होती. मात्र अंधार पडेपर्यंत विनोद गजाकोशचे यांचा मृतदेह सापडला नाही. त्यामुळे दुसऱ्या दिवशी सकाळी पुन्हा टीमने शोधकार्य सुरु केले.
आज सकाळी मृतदेह सापडल्यानंतर पोलिसांनी पुढील कारवाई केली आहे. मृतदेह शवविच्छेदनासाठी रुग्णालयात पाठवण्यात आला आहे. शवविच्छेदन झाल्यानंतर तरुणाचा मृतदेह नातेवाईकांच्या ताब्यात देण्यात येणार आहे.
त्या परिसरात प्रशासनाने कलम १४४(१) लागू केला आहे अशी माहिती मिळाली आहे. म्हणजे तिथल्या तलावाजवळ जाण्यास बंदी घातली आहे. परंतु तिथं पर्यटक अधिक गर्दी करीत असल्याची माहिती मिळाली आहे. बंदी असताना सुध्दा लोकं जमा होत असल्यामुळे अशा दुर्घटना घडत आहेत.
