ज्ञानेश कुमार यांच्या अडचणी वाढणार? 2006 मधील दोन प्रकरणांची पुन्हा चौकशी

मुख्य निवडणूक आयुक्त ज्ञानेश कुमार यांच्या अडचणी वाढणार का, असा प्रश्न सध्या राजकीय वर्तुळात उपस्थित होत आहे. 2006 मध्ये केरळमध्ये घडलेल्या दोन प्रमुख प्रकरणांमुळे त्यांच्यावर सध्या चौकशीची टांगती तलवार आहे. यापैकी एक प्रकरण दोन कोटी रुपयांच्या कथित लाचखोरीशी संबंधित आहे, ज्यामध्ये प्राथमिक चौकशीचे आदेश देण्यात आले आहेत. दुसरे प्रकरण एका मलेशियन अभियंत्याचं आहे, या प्रकरणातही चौकशीचे निर्देश दिले गेले आहेत. विशेष म्हणजे, ही दोन्ही प्रकरणे 2006 सालची आहेत, त्यावेळी ज्ञानेश कुमार हे केरळ राज्याच्या सार्वजनिक बांधकाम विभागाचे (PWD) सचिव म्हणून कार्यरत होते. त्यांच्या कार्यकाळात ही प्रकरणे घडली होती आणि आता ती पुन्हा ऐरणीवर आली आहेत.

मुख्य निवडणूक आयुक्त पदावर त्यांची नियुक्ती झाल्यानंतर, या जुन्या प्रकरणांच्या चौकशीमुळे त्यांच्या अडचणीत आणखी वाढ होण्याची शक्यता वर्तवली जात आहे. या प्राथमिक चौकशीमुळे त्यांच्या सद्यस्थितीवर आणि पदावरील कारभारावर काय परिणाम होतो, हे पाहणे महत्त्वाचे ठरणार आहे. या प्रकरणांमुळे त्यांच्या प्रतिमेवर प्रश्नचिन्ह निर्माण झाले आहे.