हाय प्रोफाईल लोकांच्या घरी चोरी करण्याचा प्रयत्न, वकिलाच्या घरात शिरताच रंगेहाथ बेड्या

उच्च न्यायालयातील वकिलाच्या बंगल्यामध्ये चोरी करण्याच्या उद्देशाने गेलेल्या 2 आरोपीस रंगेहात अटक करण्यात आलंय. (mumbai police arrested thie)

MUMBAI THEFT

Prajwal Dhage | Updated on: Apr 28, 2021 | 5:11 PM

मुंबई : उच्च न्यायालयातील वकिलाच्या बंगल्यामध्ये चोरी करण्याच्या उद्देशाने गेलेल्या 2 आरोपीस रंगेहात अटक करण्यात आलंय. मुंबईतील कांदवली पोलिसांनी ही कारवाई केली आहे. मुंबईतील हायप्रोफाईल भागांमध्ये मोठमोठ्या बंगल्यांमध्ये घुसून हे आरोपी चोरी करुन फरार व्हायचे. मात्र यावेळी त्यांना पोलिसांनी रंगेहाथ पकडले आहे. अटक केलेल्या दोन्ही आरोपींची नावं नित्यानंद देवेंद्र तसेच गणेश देवेंद्र अशी आहेत. (Mumbai police arrested 2 thief who trying to theft in senior advocate bungalow)

नेमका प्रकार काय ?

मिळालेल्या माहितीनुसार अटक करण्यात आलेले 2 चोर मुंबईमधील हायप्रोफाईल भागात जाऊन चोरी करायचे. मोठा ऐवज हातात लागताच ते तिथून फरार व्हायचे. काही दिवसानंतर ते पुन्हा नव्या ठिकाणी चोरी करायचे. मुंबई भागातील कांदिवली पश्चिम परिसरातसुद्धा हाय प्रोफाईल लोकांची घरं आहेत. यामध्ये काही वकिलांचासुद्धा समावेश आहे. यातीलच उच्च न्यायालयात वकिली करणाऱ्या एका वकिलाच्या घरी या चोरट्यांनी चोरी करण्याचं ठरवलं. या चोरट्यांनी वरिष्ठ वकिलाच्या बंगल्यामध्ये शिरण्याचा निर्णय घेतला.

वकिलाने चोरट्यांना सीसीटीव्हीमध्ये पाहिले

मात्र, चोरी करण्याच्या उद्देशाने घरात शिरलेल्या या दोन चोरांस वकिलाने आपल्या घराच्या समोर असलेल्या सीसीटीव्हीमध्ये पाहिले. हे समजताच वकीलाने बंगल्याचे सर्व दरवाजे बंद केले. तसेच नंतर पोलिसांना या सर्व घटनेची माहिती दिली.

काही क्षणांत पोलीस पोहोचले

दरम्यान वकिलाने कांदिवली पोलिसांना माहिती देताच ते तत्काळी घटनास्थळी दाखल झाले. या पोलिसांनी सापळा रचत दोन्ही चोरट्यांना रंगेहाथ पकडले. पकडलेल्या दोन्ही आरोपींची नावं नित्यानंद देवेंद्र तसेच गणेश देवेंद्र अशी आहेत. सध्या पोलिसांनी आरोपीला पकडले असून ते पुढील कारवाई करत आहेत.

Jimmy Shergill Arrested | कोरोनाचे नियम मोडले, अभिनेता जिमी शेरगिलला लुधियानात अटक!#jimmyshergill | #Punjab | #bollywood https://t.co/oMIBGvQUtD

— TV9 Marathi (@TV9Marathi) April 28, 2021