दारुड्या काकाचा सात वर्षांच्या पुतणीवर लैंगिक अत्याचाराचा प्रयत्न, स्थानिकांकडून चोप
आरोपीने केलेल्या कृत्याची माहिती समजताच स्थानिक नागरिकांमध्ये संतापाची लाट उसळली. त्यामुळे काही जणांनी आरोपीला मारहाण केली
नागपूर : गतिमंद तरुणीवर सामूहिक बलात्कार झाल्याची घटना ताजी असताना दारुड्या काकानेच आपल्या सात वर्षीय पुतणीवर लैंगिक अत्याचार करण्याचा प्रयत्न केल्याची संतापजनक घटना उघडकीस आली आहे. नागपूर शहराच्या सीमेवर असलेल्या वाडी पोलीस ठाण्याच्या हद्दीत हा प्रकार घडला.
नेमकं काय घडलं?
आरोपीने केलेल्या कृत्याची माहिती समजताच स्थानिक नागरिकांमध्ये संतापाची लाट उसळली. त्यामुळे काही जणांनी आरोपीला मारहाण केली, मात्र आरोपी दारुच्या नशेत असल्याने स्थानिकांनी या संदर्भात वाडी पोलिसांना सूचना देऊन आरोपीला पोलिसांच्या स्वाधीन केलं.
नेहमीच दारुच्या नशेत महिलांची छेड
पोलिसांनी आरोपी काकाला ताब्यात घेऊन अटक केली आहे. आरोपी अनिल या परिसरात नेहमीच दारुच्या नशेत महिलांना छेडून असे कृत्य करत असल्याचा दावा परिसरातील नागरिकांनी केला आहे. त्यामुळे त्याचा बंदोबस्त करण्याची विनंती पोलिसांना केली जात आहे.
गतिमंद तरुणीवर चौघांचा गँगरेप
महाराष्ट्राच्या उपराजधानीत माणुसकीला काळीमा फासणारी घटना नुकतीच समोर आली होती. काही नराधमांनी रात्रीच्या अंधाराचा फायदा घेत आणि तरुणी गतिमंद असल्याचं हेरत तिला मोमीनपुरा भागातील टिमकी परिसरात एका खोलीत नेलं. त्या ठिकाणी चार जणांनी तिच्यावर सामूहिक अत्याचार करुन त्यानंतर तिला ऑटोने मेयो रुग्णालय परिसरातील मेट्रो ब्रिजजवळ सोडलं. आरोपी त्यानंतर पळून गेले. त्यानंतर त्या ठिकाणी असलेल्या इतर दोन संशयितांनी तिच्यावर ऑटो रिक्षामध्ये अत्याचार केला आणि ते पण पळून गेले.
पीडित मुलगी त्याच ठिकाणी पडून असल्याचं बघून जवळच असलेल्या रेल्वे पोलिसांना याची माहिती काही नागरिकांनी दिली. रेल्वे पोलिसांनी तिला विचारपूस करत चाइल्डला दिली त्यांनी मुलीला आपल्या सोबत घेऊन गेले आणि विश्वासात घेऊन विचारपूस केली असता तिने माहिती दिली. चाइल्ड लाईनने रेल्वे पोलिसांना याची माहिती दिली आणि त्यांनी चार आरोपींचा शोध घेत ताब्यात घेतलं.
संबंधित बातम्या :
उपराजधानी हादरली, नागपूरमध्ये अल्पवयीन मुलीवर अत्याचार, चार आरोपी पोलिसांच्या ताब्यात
(Nagpur Uncle attempts to assault minor girl niece molestation)
