Video : रस्त्यावरच रक्ताच्या थारोळ्यात गरोदर महिला पडून! बाईक टर्न घेताना भरधाव बस आली आणि खल्लास..

भीषण अपघात

Image Credit source: TV9 Marathi

नांदेड : नांदेडमध्ये भीषण (Nanded Road Accident) अपघात घडला. एका दुचाकीला खासगी बसने (Bus hits bike) धडक दिली. त्यात गरोदर महिलेचा जागीच मृत्यू झाला आहे. संपूर्ण शरीरावरुन बस गेल्यानं गरोदर महिलेनं जागीच जीव सोडला. या अपघातामुळे एकच खळबळ उडाली होती. दुचाकी रस्ता ओलांडत असतेवेळी हा अपघात थरारक अपघात घडला. या अपघाताचा थरार सीसीटीव्ही कॅमेऱ्यातही कैद (Accident caught in cctv) झाला आहे. अंगावर काटा आणणाऱ्या या अपघातात गरोदर महिलेच्या अक्षरशः चिंधड्या उडाल्यात. या अपघातात दुचाकीवरील कुणीही हेल्मेट घातलेलं नव्हतं. शिवाय एकावेळी तिघे जण दुचाकीवरुन चालले होते. दोन पुरुष आणि त्यात एक गरोदर महिला दुचाकीवरुन जात असताना हा भीषण अपघात झाला. या महिलेचा अंत झाला असून इतर दोघे जण जखमी झाले आहेत. या अपघाताची माहिती मिळताच पोलिसांनी घटनास्थळी धाव घेत पंचनामा केलाय. तर प्रवासी बसही ताब्यात घेण्यात आली. हा अपघात झाल्यानंतर परिसरात एकच खळबळ उडाली होती.

नेमका कुठे घडला अपघात?

नांदेडहून त्रिकुटकडे जाणाऱ्या दुचाकीला खाजगी बसने धडक दिली. यात एक 22 वर्षीय गरोदर महिलेला बसचे चिरडलं आणि त्यात या महिलेच्या चिंधड्या उडाल्यात. बावीस वर्षांची गरोदर महिला जागीच ठार झाली तर अन्य दोनजण जखमी झाले. बसने धडक दिल्यानंतर तिघेजण रस्त्यावर फरफटत गेले होते. तर धडक दिल्याचं लक्षात आल्यानंतर बसचा वेग कमी झाला आणि चालकानं पुढे जाऊन बस थांबवली. पण तोपर्यंत महिलेचा जागीच जीव गेला होता. रस्त्यावरच रक्ताच्या थारोळ्यात गरोदर महिला पडून होती.

विचलीत करणारी दृश्य

अपघाताचा हा थरार सीसीटीव्हीत कैद झालाय. अत्यंत विचलीत करणारी ही दृश्य सीसीटीव्ही कॅमेऱ्याच्या रेकॉर्ड झालेल्या व्हिडीओमधून समोर आली आहेत. मंगळवारी (25 एप्रिल) दुपारी नांदेड शहराजवळील माळटेकडी पेट्रोल पंपासमोर हा अपघात घडला.

शिवाजी डांगे हे पती-पत्नी आणि चंद्रकांत मोरे असे तिघे मिळून एका दुचाकीवरून जात होते. पेट्रोल पंपाजवळ दुचाकी रस्ता ओलांडत होती. नेमक्या त्याच वेळी भरधाव वेगानं येत असलेल्या खाजगी बसने त्यांना धडक दिली आणि चिरडलं. दुचाकीला बसने चिरडलेला क्षण सीसीटीव्हीत कैद झाला. या अपघातात इंदूबाई ही गरोदर महिला चिरडली गेल्याने जागीच ठार झाली तर दोन जण गंभीर जखमी झालेत.

अपघाताचा थरार : ही दृश्य विचलीत करणारी आहेत