नाशिकमधून दारूचा मोठा साठा जप्त; दोघांना घेतले ताब्यात
महाराष्ट्रात बंदी असलेल्या दारूची वाहतूक करणारा आयशर ट्रक नाशिकच्या सातपूर परिसरातून ताब्यात घेण्यात आला आहे. या ट्रकमधून मोठ्याप्रमाणात दारूचा साठा जप्त करण्यात आला आहे. राज्य उत्पादन शुल्क विभागच्या वतीने ही करावाई करण्यात आली.
नाशिक – महाराष्ट्रात बंदी असलेल्या दारूची वाहतूक करणारा आयशर ट्रक नाशिकच्या सातपूर परिसरातून ताब्यात घेण्यात आला आहे. या ट्रकमधून मोठ्याप्रमाणात दारूचा साठा जप्त करण्यात आला आहे. राज्य उत्पादन शुल्क विभागच्या वतीने ही करावाई करण्यात आली. या ट्रकमधून तब्बल 200 दारूचे बॉक्स ताब्यात घेण्यात आले आहेत. ट्रक आणि दारूसाठा मिळून जवळपास तीस लाखांचा माल घटनास्थळावरून जप्त करण्यात आला आहे.
दारू तस्करीच्या घटनांमध्ये वाढ
गेल्या काही दिवसांपासून नाशिक शहर आणि परिसरात मोठ्या प्रमाणात दारूची तस्करी सुरू आहे. राज्यात बंदी असलेल्या दारूचा साठा घेऊन, एक ट्रक दादरा नगर हवेली येथून नाशिककडे येत असल्याची माहिती राज्य उत्पादन शुल्क विभागाला मिळाली होती. मिळालेल्या माहितीनुसार या ट्रक पकडण्यासाठी उत्पादन शुल्क विभागाकडून ट्रॅप लावण्यात आला होता. अखेर या ट्रकला पकडण्यात यश आले आहे. ट्रकमधून दारूचा मोठा साठा जप्त करण्यात आला आहे. या ट्रकमधून दारूचे तब्बल 200 बॉक्स जप्त करण्यात आल्याची माहिती अधिकाऱ्यांच्या वतीने देण्यात आली. ट्रक आणि दारूसाठा मिळून जवळपास तीस लाखांचा माल जप्त करण्यात आला आहे.
दोघांना घेतले ताब्यात
दरम्यान या प्रकरणात वाहन चालक कामीम इमरानउद्दीन अहमद आणि वाहनमालक दिपक गणपत रोकडे अशा दोघांना ताब्यात घेण्यात आले आहे. जप्त करण्यात आलेल्या दारूवर राज्यात बंदी असून, हा साठा कुठून आणला? दारूचा साठा नेमका कुठे नेण्यात येणार होता, याबाबत अधिक चौकशी सुरू असल्याचे अधिकाऱ्यांनी म्हटले आहे.
Video : ‘आधी जोरदार टीका, मग एकाच सोफ्यावर मनमोकळ्या गप्पा’, नाशिकच्या लग्न सोहळ्यातील खास राजकीय चित्र https://t.co/9AsmAJEUJ4 @rautsanjay61 @ChDadaPatil @ChhaganCBhujbal @Dev_Fadnavis #MaharashtraPolitics #ChhganBhujbal #ChandrakantPatil #SanjayRaut #Devendrafadnavis #BJP #NCP
— TV9 Marathi (@TV9Marathi) November 20, 2021
संबंधित बातम्या
‘चंद्रकांत पाटलांना शोक असेल तर शोकसभा घेऊ’, कृषी कायद्यावरुन संजय राऊतांचा जोरदार टोला
