Pune Murder : पुण्यात आठ वर्षीय मुलाची डोक्यात सिमेंटचा गट्टू घालून हत्या

मयत लक्ष्मण हा बालक रविवारी दुपारपासून अचानक बेपत्ता झाला. आई-वडिलांनी परिसरात त्याचा खूप शोध घेतला, मात्र तो सापडला नाही. अखेर सायंकाळी 7 वाजता आई-वडिलांनी चिखली पोलिस ठाणे गाठत मुलगा बेपत्ता झाल्याची तक्रार नोंदवली. त्यानंतर पोलिस आणि कुटुंबीय त्याचा खूप शोध घेत होते.

Image Credit source: tv9

TV9 मराठी डिजीटल टीम | Edited By: वैजंता गोगावले | Updated on: Apr 19, 2022 | 1:44 AM

पिंपरी-चिंचवड : अज्ञात कारणावरुन 8 वर्षाच्या मुलाची डोक्यात सिमेंटचा गट्टू घालून हत्या (Murder) करण्यात आल्याची धक्कादायक घटना पिंपरी-चिंचवडमधील चिखलीत घडली आहे. लक्ष्मण देवासी असे हत्या करण्यात आलेल्या मुलाचे नाव आहे. याप्रकरणी चिखली पोलिसात हत्येचा गुन्हा नोंद करण्यात आला आहे. पोलिसांनी आतापर्यंत 7 ते 8 जणांना संशयितांना ताब्यात (Detained) घेतले आहे. दरम्यान लक्ष्मण हत्या नेमकी कोणत्या कारणातून करण्यात आली हे अद्याप स्पष्ट झाले नाही. चिखली पोलिस याप्रकरणी अधिक तपास करीत आहेत. (An eight-year-old boy was stabbed to death in Pimpari chinchwad)

रविवारपासून बेपत्ता होता मुलगा

मयत लक्ष्मण हा बालक रविवारी दुपारपासून अचानक बेपत्ता झाला. आई-वडिलांनी परिसरात त्याचा खूप शोध घेतला, मात्र तो सापडला नाही. अखेर सायंकाळी 7 वाजता आई-वडिलांनी चिखली पोलिस ठाणे गाठत मुलगा बेपत्ता झाल्याची तक्रार नोंदवली. त्यानंतर पोलिस आणि कुटुंबीय त्याचा खूप शोध घेत होते. मात्र सोमवारी त्याच्या घराच्या 100 मीटर अंतरावर रक्ताच्या थारोळ्यात लक्ष्मणचा मृतदेह आढळला. डोक्यात सिमेंटचा गट्टू घालून लक्ष्मणची हत्या करण्यात आली होती. चिखली पोलिसांनी मृतदेह ताब्यात पुढील तपास सुरु केला आहे. (An eight-year-old boy was stabbed to death in Pimpari chinchwad)