Indapur Murder : इंदापूर तालुक्यातील धक्कादायक घटना; मुलाकडून बापाची डोक्यात दगड घालून हत्या
वडील दारू पिऊन रोज शिवीगाळ करून रात्र-रात्र घराच्या बाहेर काढत असत. वडिलांच्या त्रासाला कंटाळून वडील झोपेत असताना रात्री दोनच्या सुमारास डोक्यात दगड घालून त्यांची हत्या केल्याची कबुली त्याने पोलिसांकडे दिली. याबाबत भिगवण पोलीस ठाण्यात भादवि कलम 302 प्रमाणे गुन्हा दाखल करण्यात आला आहे.
इंदापूर : बापाच्या त्रासाला कंटाळून डोक्यात दगड घालून मुलानेच बापा (Father)ची हत्या (Murder) केल्याची धक्कादायक घटना पुणे जिल्ह्यातील इंदापूर तालुक्यातील भिगवण जवळील मदनवाडी येथे घडली आहे. डोक्यात दगड घालून मुला (Son)ने बापाची हत्या केली आहे. यासंदर्भात भिगवण पोलिस ठाण्यात गुन्हा दाखल झाला असून आरोपीला पोलिसांनी ताब्यात घेतले आहे. राजेंद्र छगन कुंभार असे हत्या करणाऱ्या आरोपीचे नाव असून छगन गजानन कुंभार असे हत्या झालेल्या व्यक्तीचे नाव आहे. याप्रकरणी भिगवण पोलिस ठाण्यात गुन्हा दाखल करण्यात आला आहे. (In Indapur, the son killed his father after getting fed up with his father’s troubles)
वडील दारु पिऊन शिवीगाळ करत घराबाहेर काढायचे
पोलिसांनी दिलेल्या माहितीनुसार, बुधवारी सकाळी सव्वा आठच्या सुमारास राजेंद्र छगन कुंभार (रा.मदनवाडी, ता.इंदापूर) हा भिगवण पोलिस ठाण्यात आला. कोणीतरी अज्ञात व्यक्तीने माझे वडील छगन गजानन कुंभार यांच्या डोक्यात दगड घालून त्यांची हत्या केली अशी माहिती त्याने पोलिसांना दिली. माहिती मिळताच पोलिसांनी घटनास्थळी धाव घेत बारकाईने पाहणी केली व खबर देणारा मुलगा राजेंद्र छगन कुंभार याची सखोल चौकशी केली असता त्याने उडवाउडवीची उत्तरे दिली. तसेच पोलिसांची दिशाभूल करीत होता. परंतु पोलिसी खाक्या दाखवताच त्याने सर्व खरी माहिती पोलिसांसमोर उघड केली.
वडील दारू पिऊन रोज शिवीगाळ करून रात्र-रात्र घराच्या बाहेर काढत असत. वडिलांच्या त्रासाला कंटाळून वडील झोपेत असताना रात्री दोनच्या सुमारास डोक्यात दगड घालून त्यांची हत्या केल्याची कबुली त्याने पोलिसांकडे दिली. याबाबत भिगवण पोलीस ठाण्यात भादवि कलम 302 प्रमाणे गुन्हा दाखल करण्यात आला आहे.
रत्नागिरीतही आईच्या चारित्र्यावर संशय घेणाऱ्या बापाचा मुलाने काटा काढला
रत्नागिरीतही अशाच प्रकारची घटना घडली आहे. आईच्या चारित्र्यावर संशय घेत तू माझा मुलगा नाहीस असे हिणवणाऱ्या बापाचा मुलाने काटा काढला. डोक्यात हातोडा घालून 17 वर्षीय मुलाने बापाची हत्या केल्याची घटना मंगळवारी रात्री रत्नागिरी जिल्ह्यातील राजापूर तालुक्यातील पुनस गावातील बौद्धवाडी येथे घडली आहे. रविंद्र रावजी कांबळे (40) असे मयत पित्याचे नाव आहे. याप्रकरणी अल्पवयीन मुलावर भारतीय दंड विधान कलम 302 अंतर्गत गुन्हा दाखल करण्यात आला आहे. (In Indapur, the son killed his father after getting fed up with his father’s troubles)
इतर बातम्या
फटका चोरट्याला कल्याण रेल्वे पोलिसांनी ठोकल्या बेड्या, महिला प्रवाशांचे मोबाईल चोरायचा