झोपलेल्या सावत्र आईवर कुऱ्हाडीचे वार, हत्येप्रकरणी सांगलीत मुलाला अटक
सावत्र आई नंदा सुर्वे झोपेत असताना अमोलने तिची कुर्‍हाडीने हल्ला करुन निर्घृण हत्या केली. (Sangli Son murder step mother)
सांगली : सांगलीत तरुणाने आपल्या सावत्र आईची हत्या केल्याचा धक्कादायक प्रकार उघडकीस आला आहे. 50 वर्षीय नंदा सुर्वे यांची झोपेत असताना कुर्‍हाडीने वार करुन मुलाने हत्या केली. (Sangli Son arrested for alleged murder of step mother)
सांगली जिल्ह्यातील कवठेमहांकाळ तालुक्यातील हरोली गावात घडलेल्या या हत्याकांडाने सर्वत्र एकच खळबळ माजली आहे. कौटुंबिक वादातून 35 वर्षीय आरोपी अमोल सुर्वेने ही हत्या केल्याचा आरोप आहे.
झोपेतच सावत्र आईवर कुर्‍हाडीने हल्ला
सावत्र आई नंदा सुर्वे झोपेत असताना अमोलने तिची कुर्‍हाडीने हल्ला करुन निर्घृण हत्या केली. याबाबत महिलेचे पती संभाजी सुर्वे यांनी पोलीस ठाण्यात तक्रार दिली आहे. अमोल सुर्वे याला सांगलीतील कवठेमहांकाळ पोलिसांनी अटक केली असून अधिक तपास सुरु आहे.
पोटच्या मुलाची हत्या
दुसरीकडे, अनैतिक संबंधात अडथळा ठरणाऱ्या मुलाचा आईनेच खून केला असल्याची धक्कादायक घटना नाशिक जिल्ह्यातील आडगावमधील नांदूरनाका येथे काही महिन्यांपूर्वी उघडकीस आली होती. सहा वर्षीय चिमुरड्याच डोकं भिंतीवर आपटून आईनेच त्याचा जीव घेतल्याचं समोर आलं होतं. आडगाव पोलिसांनी आरोपी आई आणि तिच्या प्रियकाराला बेड्या ठोकल्या होत्या.
मुलगा खेळताना पडल्याचा बनाव
मुलगा अंगणात खेळता खेळता पडला असा बनाव रचून आई आणि तिच्या प्रियकराने 22 डिसेंबरला मुलाला जिल्हा रुग्णलयात दाखल केलं आणि उपचार सुरू असतानाच या मुलाचा मृत्यू झाला, मात्र, नंतर डॉक्टरांनी आईची चौकशी केली असता आईने प्रियकरासोबत पळ काढला होता. (Sangli Son arrested for alleged murder of step mother)
आत्महत्येच्या प्रयत्नात महिला बचावली, अनवधानाने मुलाचा मृत्यू
आईस्क्रिममध्ये विष मिसळून आत्महत्येचा प्रयत्न करणाऱ्या महिलेचा जीव वाचला, मात्र अनवधानाने तेच आईस्क्रिम खाललेल्या तिच्या मुलाचा आणि बहिणीचा मृत्यू झाल्याचा धक्कादायक प्रकार गेल्या महिन्यात समोर आला होता. आत्महत्येचा प्रयत्न आणि हत्येप्रकरणी केरळ पोलिसांनी महिलेवर गुन्हा दाखल केला.
संबंधित बातम्या –
माता न तू वैरिणी…आई आणि मुलगा नात्याला काळिमा फासणारी धक्कादायक घटना नाशिकमध्ये उघड
आईस्क्रिममध्ये विष मिसळून आत्महत्येचा प्रयत्न, महिला बचावली, अनवधानाने मुलगा-बहिणीचा मृत्यू
(Sangli Son arrested for alleged murder of step mother)