CUET 2022 Exam Date: NTAकडून CUET UG परीक्षांची तारीख जाहीर! करेक्शन विंडो खुली, उद्यापर्यंत करता येणार अर्जात सुधारणा…
विद्यार्थी आजपासून म्हणजेच 23 जून 2022 ते उद्या 24 जून 2022 पर्यंत आपल्या अर्जात सुधारणा करू शकतात.
नवी दिल्ली: नॅशनल टेस्टिंग एजन्सीने (National Tesing Agency) सामायिक विद्यापीठ प्रवेश परीक्षेच्या (CUET UG 2022) तारखा जाहीर केल्या आहेत. एनटीएने जारी केलेल्या नोटिसीनुसार, 15, 16, 19 आणि 20 जुलै आणि 4 ऑगस्ट ते 10 ऑगस्ट दरम्यान सीयूईटी होणार आहे. सविस्तर वेळापत्रक पाहण्यासाठी विद्यार्थी cuet.samarth.ac.in cuet.samarth.ac.in या अधिकृत वेबसाइटला (Official Website) भेट देऊ शकतात. भारतातील 554 शहरांमध्ये आणि परदेशातील 13 शहरांमध्ये क्युईटीचे आयोजन करण्यात येणार आहे. एनटीएच्या वतीने सीयूईटीसाठी अर्ज करणाऱ्या विद्यार्थ्यांसाठीही करेक्शन विंडो उघडण्यात आली आहे. विद्यार्थी आजपासून म्हणजेच 23 जून 2022 ते उद्या 24 जून 2022 पर्यंत आपल्या अर्जात सुधारणा करू शकतात.
विद्यार्थ्यांना पोर्टल तपासण्याची विनंती
केंद्रीय विद्यालयात प्रवेशासाठी ही एकमेव परीक्षा असल्याचे सांगत एनटीएने अधिसूचना जारी केली आहे. परीक्षेशी संबंधित अपडेट्ससाठी विद्यार्थ्यांना सतत cuet.samarth.ac.in पोर्टल तपासण्याची विनंती केली जाते. या परीक्षेसाठी आतापर्यंत 9,50,804 विद्यार्थ्यांनी अर्ज केल्याचेही एनटीएने म्हटले आहे. त्यापैकी 83 विद्यार्थी विद्यापीठाचे आहेत. त्यापैकी 43 केंद्रीय विद्यापीठाचे तर 13 राज्य विद्यापीठाचे विद्यार्थी आहेत. 17 जुलैला नीट यूजी परीक्षा घेतली जाणार असल्याने त्या दिवशी CUET होणार नाही. याशिवाय या तारखांना जेईई मेन परीक्षा असल्याने 21 जुलै ते 3 ऑगस्ट 2022 या कालावधीत क्यूट घेण्यात येणार नाही.
डीम्ड विद्यापीठेही सीयूईटीद्वारे देणार प्रवेश
सीयूईटीच्या माध्यमातून देशभरातील केंद्रीय विद्यापीठांमध्ये ग्रॅज्युएशन म्हणजेच यूजी अभ्यासक्रमांना प्रवेश दिला जाणार आहे. त्याचबरोबर काही डीम्ड विद्यापीठेही त्याद्वारे प्रवेश देतील. विशेष म्हणजे यावेळी दिल्ली विद्यापीठ, जेएनयू आणि बीएचयूसह अलाहाबाद विद्यापीठात सीयूईटीच्या माध्यमातून प्रवेश देण्यात येणार आहे.
13 भाषांमध्ये घेतली जाईल CUET UG
CUET UG चा परीक्षा पॅटर्न आधीच प्रसिद्ध झाला आहे. परीक्षा पद्धतीनुसार, परीक्षा 13 भाषांमध्ये घेतली जाईल. CUET PG साठी अशी कोणतीही माहिती समोर आलेली नाही. पण हाच पॅटर्न पीजीसाठी वापरला जाईल, अशी अट आहे. मात्र यासाठी अधिकृत घोषणा होणे आवश्यक आहे.