Govinda : पती, पत्नी और वो…सुनीतासारखं ज्या मुलीचं नाव घ्यायची तिचे आणि गोविंदाचे फोटो, व्हिडिओ आले समोर
Govinda : अभिनेता गोविंदा गेल्या काही दिवसांपासून त्याच्या खासगी आयुष्यामुळे चर्चेत आला आहे. आता देखील गोविंदा याचे एका महिलेसोबत काही फोटो आणि व्हिडीओ सोशल मीडियावर व्हायरल होत आहे. ज्यामुळे चर्चांना आणखी उधाण आलं आहे.
Govinda : अभिनेता गोविंदा याने आतापर्यंत अनेक हिट सिनेमे बॉलिवूडला दिले. 1990 च्या दशकातील लोकप्रिय आणि प्रसिद्ध अभिनेत्यांच्या यादीत गोविंदा अव्वल स्थानी होता. दरम्यान, गेल्या अनेक वर्षांपासून गोविंदा मोठ्या पडद्यापासून तर दूर होता, पण खासगी आयुष्यामुळे सर्वत्र चर्चेत होता बायको सुनीता अहुजा हिने गोविंदाचे अफेअर्स असल्याचा देखील खुलासा केलेला. त्यानंतर विमानतळावर गोविंदाला एका कोमल नावाच्या अभिनेत्रीसोबत स्पॉट करण्यात आलं. सांगायचं झालं तर, एका मुलाखतीत, सुनीता हिने ‘कोमल नावाचा तिरस्कार आहे..’ असं म्हणालेली.
मुंबई विमानतळावर अभिनेत्री कोमल राणी स्वर्णकार हिच्यासोबत दिसल्यामुळे गोविंदा त्याच्या वैयक्तिक आयुष्याबाबत आणि ‘डेटिंग’च्या चर्चांमुळे चर्चेत आला आहे. पापाराझींनी या दोघांचे एकत्र अनेक फोटो काढले असून ते आता सोशल मीडियावर समोर आले आहेत; विमानतळावरील या फोटोंमध्ये अभिनेत्याला तिच्यासोबत पाहता येते आहे.
View this post on Instagram
4 वर्षांपासून रिलेशनशिपमध्ये आहेत गोविंदा आणि कोमल?
सोशल मीडियावर गोविंदा आणि कोमल यांचे फोटो व्हायरल होताच, चाहत्यांनी अभिनेत्याचं नाव त्या ‘कोमल’शी जोडत आहेत जिच्याशी या अभिनेत्याचं यापूर्वीही नाव जोडलं गेलं होतं. सूत्रांच्या माहितीनुसार, गोविंदा आणि कोमल गेल्या चार वर्षांपासून रिलेशनशिपमध्ये आहेत आणि त्यांनी उत्तराखंडमधील एका कार्यक्रमालाही एकत्र हजेरी लावली होती. हे फोटो समोर आल्यानंतर सोशल मीडियावर याबाबत बरीच चर्चा आणि तर्क-वितर्क लावले जात आहेत.
‘मला कोलम नावाचा तिरस्कार…’
सुनीता अहुजा हिने एका मुलाखतीत ‘कोमल’ नावाचा उल्लेख केलेला. यावर पुन्हा एका मुलाखतीत कोमल कोण आहे? असा प्रश्न गोविंदाच्या बायकोला विचारण्यात आलेला. यावर सुनीता म्हणालेली, ‘मला या नावाचा तिरस्कार आहे… एक मुलगी आहे कोमल… कोणी XYZ.. मला तिचा तिरस्कार आहे… ‘, अखेरीस सुनीता असं देखील म्हणालेली की, ‘माझ्या हाती कोणते पुरावे आले तर, मी गोविंदाला कधीच माफ करणार नाही…’
कोण आहे कोमर राणी स्वर्णकार?
उत्तर प्रदेशातील कोमल राणी स्वर्णकार ही ग्लॅमर विश्वातील एक उभरती अभिनेत्री आहे. ती ‘रूपा’ या सिनेमाच्या माध्यमातून बॉलिवूडमध्ये पदार्पण करण्यास सज्ज झाली असून, खुद्द गोविंदा या सिनेमाद्वारे तिला या क्षेत्रात संधी देत आहेत. ‘रूपा’ सिनेमाच्या घोषणेसाठी आयोजित पत्रकार परिषदेत गोविंदा यांनी तिचं कौतुक करताना म्हणाला, “मी देवाकडे प्रार्थना करतो आणि अशी आशा बाळगतो की, तुझ्यासोबतही (राणी स्वर्णकार) मी किमान अर्धा डझन हिट सिनेमे देईन.”, सध्या सर्वत्र फक्त आणि फक्त गोविंदा यांच्या खासगी आयुष्याची चर्चा सुरु आहे.
