गोविंदा

बॉलिवूड इंडस्ट्रीतील प्रसिद्ध अभिनेता गोविंदाने आजवर 165 हून अधिक चित्रपटांमध्ये काम केलंय. 1990 च्या दशकात तो बॉलिवूडमधील सर्वांत लोकप्रिय अभिनेता होता. 'राजा बाबू', 'कुली नंबर 1', 'हिरो नंबर 1', 'बडे मियाँ छोटे मियाँ', 'अनाडी नंबर 1' असे त्याचे असंख्य चित्रपट बॉक्स ऑफिसवर तुफान गाजले. गोविंदाने राजकारणातही प्रवेश केला. 2024 च्या लोकसभा निवडणुकीआधी त्याने शिवसेना शिंदे गटात प्रवेश केला. त्यापूर्वी त्याने काँग्रेस पक्षाकडून निवणडूक लढवून खासदारकी मिळवली होती. गोविंदाने सुनिता अहुजाशी लग्न केलं असून या दोघांना दोन मुलं आहेत.