Brahmastra: तब्बल पाच वर्षांनंतर ‘ब्रह्मास्त्र’चं शूटिंग पूर्ण झालं; ‘या’ तारखेला आलिया-रणबीरचा चित्रपट होणार प्रदर्शित
आलिया भट्ट आणि रणबीर कपूर यांच्या 'ब्रह्मास्त्र' या बहुप्रतिक्षित चित्रपटाचं शूटिंग अखेर संपलं. गेल्या तीन दिवसांपासून वाराणसीमध्ये या चित्रपटातील शेवटच्या काही दृश्यांचं शूटिंग सुरू होतं. त्यानंतर अखेर दिग्दर्शक अयान मुखर्जीने या चित्रपटाचं शूटिंग संपूर्ण झाल्याचं जाहीर केलं. जवळपास पाच वर्षांपासून या चित्रपटाचं शूटिंग सुरू होतं.
आलिया भट्ट आणि रणबीर कपूर यांच्या 'ब्रह्मास्त्र' या बहुप्रतिक्षित चित्रपटाचं शूटिंग अखेर संपलं. गेल्या तीन दिवसांपासून वाराणसीमध्ये या चित्रपटातील शेवटच्या काही दृश्यांचं शूटिंग सुरू होतं. त्यानंतर अखेर दिग्दर्शक अयान मुखर्जीने या चित्रपटाचं शूटिंग संपूर्ण झाल्याचं जाहीर केलं. जवळपास पाच वर्षांपासून या चित्रपटाचं शूटिंग सुरू होतं.
"अखेर.. शूटिंग संपलं. ब्रह्मास्त्रच्या पहिल्या दिवसाच्या शूटिंगपासून आतापर्यंत जवळपास पाच वर्षे पूर्ण झाली. अखेर आम्ही शेवटचा सीन शूट करू शकलो. हा प्रवास खूपच आव्हानात्मक आणि अभूतपूर्व होता. 'पहिला भाग- शिवा'चं शूटिंग आम्ही वाराणसीमध्ये पूर्ण केलं. येत्या ९ सप्टेंबर रोजी हा चित्रपट तुमच्या भेटीला येणार आहे", असं अयानने त्याच्या पोस्टमध्ये लिहिलं.
अयानने चित्रपटातील कलाकारांसोबत फोटोसुद्धा पोस्ट केले आहेत. आलियानेही वाराणसीमधल्या शूटिंगचे फोटो आणि व्हिडीओ इन्स्टाग्रामवर पोस्ट केले आहेत. '2018 मध्ये आम्ही शूटिंग सुरू केलं होतं आणि अखेर आता ब्रह्मास्त्रच्या पहिल्या भागाचं शूटिंग पूर्ण झालं आहे', असं आलियाने लिहिलं. 'ये जवानी है दिवानी' या चित्रपटाचं शूटिंग सुरू असताना अयानच्या डोक्यात ब्रह्मास्त्रची कल्पना आली.
2017-18 मध्ये अयानने रणबीर आणि आलियासोबत शूटिंगला सुरुवात केली. ब्रह्मास्त्र या चित्रपटाचे तीन भाग येणार असून पहिला भागाचं नाव शिवा असं आहे. या बिग बजेट चित्रपटात आलिया-रणबीरसोबतच अमिताभ बच्चन, नागार्जुन, मौनी रॉय आणि शाहरुख खान यांच्याही भूमिका आहेत. शाहरुख यामध्ये पाहुण्या कलाकाराच्या भूमिकेत असल्याचं म्हटलं जातंय.
आलियाच्या वाढदिवसानिमित्त तिचा फर्स्ट लूक प्रदर्शित करण्यात आला होता. हा चित्रपट हिंदी, तमिळ, तेलुगू, मल्याळम आणि कन्नड अशा पाच भाषांमध्ये प्रदर्शित होणार आहे.
