Bigg Boss OTT 2 | पूजा भट्ट ‘तिकिट टू फिनाले’ हरताच बहीण आलियाची प्रतिक्रिया समोर; म्हणाली “ती तिथे..”
बिग बॉस ओटीटीच्या या दुसऱ्या सिझनमध्ये अभिषेक मल्हान आणि पूजा भट्ट यांच्यात 'तिकिट टू फिनाले'ची शर्यत रंगली होती. घरातील स्पर्धकांना दोन भागांमध्ये विभागलं गेलं होतं. खेळाडूंना अभिषेक आणि पूजासाठी फळं गोळा करायची होती.
मुंबई | 4 ऑगस्ट 2023 : सलमान खान सूत्रसंचालन करत असलेला ‘बिग बॉस ओटीटी 2’ हा शो सध्या अंतिम टप्प्यावर पोहोचला आहे. येत्या 17 ऑगस्ट रोजी या शोचा ग्रँड फिनाले पार पडणार आहे. या शोमध्ये दररोज नवीन ड्रामा आणि ट्विस्ट पहायला मिळत आहेत. त्यामुळे प्रेक्षकांचंही भरभरून मनोरंजन होत आहे. सोशल मीडिया इन्फ्लुएन्सर अभिषेक मल्हान उर्फ फुकरा इन्सान हा बिग बिगच्या घरातील शेवटचा कॅप्टन आणि या सिझनचा पहिला फायनलिस्ट ठरला आहे. अभिषेकने तगडी स्पर्धक पूजा भट्टला मात दिली आहे. तिला हरवून तो ‘तिकिट टू फिनाले’ जिंकला. आता पूजा भट्टविषयी बहीण आलिया भट्टने प्रतिक्रिया दिली आहे.
नुकतेच बिग बॉसच्या घरात पूजाचे वडील आणि दिग्दर्शक महेश भट्ट पाहुणे म्हणून पोहोचले होते. यावेळी त्यांनी पूजाला खंबीर पाठिंबा दिला. त्यानंतर आता बहीण आलियाचीही प्रतिक्रिया समोर आली आहे. आलिया नुकतीच तिच्या ‘रॉकी और रानी की प्रेम कहानी’ या चित्रपटाशी संबंधित आयोजित पत्रकार परिषदेत पोहोचली होती. यावेळी तिथून निघताना पापाराझींनी तिला पूजा भट्टविषयी प्रश्न विचारला. त्यावर आलिया कारमध्ये बसण्याआधी लगेच मागे वळून म्हणाली, “वो वहा है, वो ही मेरे लिए जीतें, I love her” (ती तिथे आहे आणि माझ्यासाठी तिनेच जिंकावं. मी तिच्यावर खूप प्रेम करते.) महेश भट्ट यांच्यानंतर आलियासुद्धा बहिणीला पाठिंबा देण्यासाठी बिग बॉसच्या घरात पाहुणी म्हणून प्रवेश करणार असल्याचं कळतंय.
पहा व्हिडीओ
बिग बॉस ओटीटीच्या या दुसऱ्या सिझनमध्ये अभिषेक मल्हान आणि पूजा भट्ट यांच्यात ‘तिकिट टू फिनाले’ची शर्यत रंगली होती. घरातील स्पर्धकांना दोन भागांमध्ये विभागलं गेलं होतं. खेळाडूंना अभिषेक आणि पूजासाठी फळं गोळा करायची होती. अखेर अभिषेक मल्हानने मनीषा राणी, एल्विश यादव आणि जिया शंकर यांच्या मदतीने हा टास्क जिंकला. या टास्कदरम्यान पूजाला दुखापतसुद्धा झाली होती. त्यानंतर जद हदिदने तिचं प्रतिनिधीत्व केलं होतं.
