Bigg Boss 19: ‘वयाच्या 61 व्या वर्षी…’, कुनिका सदानंदचं विचित्र कृत्य, प्रसिद्ध अभिनेत्रीने साधला निशाणा

Bigg Boss 19: अभिनेता सलमान खान होस्टेट ‘बिग बॉस 19’ शो गेल्या काही दिवसांपासून रंगात येत आहे. बिग बॉसच्या घरात स्पर्धकांचे रंगच नाही तर त्यांची नाती देखील सरड्यासारखी बदलताना दिसत आहे. शोला सुरुवात होऊन काही दिवस झाले आहेत. घरात तीन गट झाले आहेत. तान्या मित्तल, नीलम आणि कुनिका यांच्या गटातील भांडणं देखील टोकाला पोहोचताना दिसत आहेत. कुनिका सतत तान्या हिला, ‘तुझ्या आईने काही शिकवलं नाही का? पापा की परी…’ असं बोलताना दिसते. ज्यामुळे तान्या हिला प्रचंड वाईट वाटतं.

कुनिका हिने सर्व मर्यादा ओलांडल्या जेव्हा टास्क दरम्यान तिने पुन्हा तान्या हिला ‘तुझ्या आईने काही शिकवलं नाही…’ असं बोलली. त्यानंतर तान्या जोर-जोरात रडू लागली. अशात इतर स्पर्धकांनी कुनिका हिच्यावर निशाणा साधला. तर ‘बिग बॉस’ विनर गौहर खान हिने देखील 61 वर्षीय अभिनेत्रीवर निशाणा साधला आहे…

सोशल मीडियावर एक पोस्ट शेअर करत गौहर खान हिने कुनिका हिच्यावर निशाणा साधला आहे. ‘जी आई असल्याचा दावा करते आणि बाहेरच्या गोष्टींबद्दल बोलू नकोस म्हणते… पण ती स्वतः कोणाच्या तरी आईबद्दल अशी विधानं करते, हे खूप धक्कादायक आहे. “बिग बॉस 19 मध्ये तुमच्यावर 61 व्या वर्षीही टीका होऊ शकते. जसं तुम्ही करत आहात तसंच तुम्हाला मिळेल…’ असं देखील अभिनेत्री म्हणाली आहे. सध्या अभिनेत्रीची पोस्ट सोशल मीडियावर तुफान व्हायरल होत आहे.

कुनिकावर भडकले स्पर्धक…

कुनिका सदानंद ज्या पद्धतीने तान्या मित्तलच्या आईच्या संस्कारांवर सतत प्रश्न उपस्थित करत होती ते कुटुंबातील अनेकांना अजिबात आवडलं नाही. झीशान याने तर थेट कुनिका हिचा मुलगा अयान याचं नाव मध्ये घेतलं आणि म्हणाला, ‘तू तुझ्या आईसाठी रडतोस ना… बघ कशी आहे तुझी आई… ‘

कुनिका सतत घरात वाद निर्माण करताना दिसते. असं असताना देखील अभिनेता सलमान खान कधीच काही बोलत नाही… कुनिका हिला कोणीच काही बोलत नाही… सलमान खान तिला ‘वीकेंड का वार’ मध्ये सर्वांना फटकारतो, पण जेव्हा ती एखाद्याच्या संस्काराबद्दल आणि गोष्टींबद्दल बोलते तेव्हा तिला कोणीही थांबवत नाही….