Adipurush | प्रभासचा चित्रपट ‘आदिपुरुष’ या तारखेला रिलीज होण्याची शक्यता, अखेर भूषण कुमार यांनी सोडले मौन!

मुंबई : साऊथचा सुपरस्टार प्रभासचे (Prabhas) हिंदी चित्रपट देखील हिट होताना दिसत आहेत. प्रभास हळूहळू बॉलिवूडमध्येही आपली पकड मजबूत करत आहे. ‘बाहुबली’ (Bahubali) आल्यानंतर प्रभासची मागणी काहीशी वाढली आहे. त्यामुळे अनेक बॉलिवूड (Bollywood) चित्रपट निर्माते ते स्टार्स त्याच्यासोबत काम करण्यास उत्सुक आहेत. मात्र, आता प्रभासबाबत एक महत्त्वाची बातमी समोर येत आहे. चला तर मग जाणून घेऊयात काय आहे नेमकी बातमी.

आमिर खानने मानले आदिपुरुषच्या टिमचे आभार

काही दिवसांपूर्वी अभिनेता आमिर खानने त्याचा आगामी चित्रपट ‘लाल सिंह चड्ढा’ रिलीज करण्याची घोषणा केली होती. या चित्रपटाविषयी माहिती देताना ते म्हणाले की, ‘लाल सिंग चड्ढा’ हा चित्रपट 11 ऑगस्ट 2022 रोजी चित्रपटगृहांमध्ये प्रदर्शित होणार आहे. आणि ही तारीख सोडल्याबद्दल आमिरने निर्माते भूषण कुमार, प्रभास आणि त्याच्या ‘आदिपुरुष’ चित्रपटाच्या संपूर्ण टीमचे आभार मानले. मात्र, रामायणावर आधारित या चित्रपटाच्या रिलीजच्या नव्या तारखेवरून बराच गदारोळ सुरू आहे.

आदिपुरुष चित्रपट दिवाळीमध्ये रिलीज होण्याची शक्यता

2022 च्या दिवाळी वीकेंडमध्ये हा चित्रपट रिलीज होणार असल्याच्या चर्चा सुरू आहेत. ‘पिंकविला’शी झालेल्या संवादात भूषण कुमार यांना ‘आदिपुरुष’ चित्रपट दिवाळीला प्रदर्शित होण्याबाबत विचारण्यात आले तेव्हा ते म्हणाले, ‘आम्ही अद्याप चित्रपटाच्या प्रदर्शनाची तारीख निश्चित केलेली नाही. एकदा आम्ही ठरवले की आम्ही ते जाहीर करू. दिवाळीच्या वीकेंडसाठी अनेक चित्रपटांची घोषणा आधीच झाली आहे. म्हणून आम्ही एक खास तारीख शोधत आहोत.

संंबंधित बातम्या : 

Lock Up : कंगना राणावतच्या लॉक अप शोची धमाकेदार सुरूवात…! ही आहे स्पर्धकांची संपूर्ण यादी

दिल थाम के बैठो…! प्रसिद्ध गायक मिका सिंहचे स्वयंवर…जाणून घ्या कधी, कुठे आणि केंव्हा…चला पोरींनो तुम्ही होऊ शकता मिसेस सिंह