ट्रोल करणाऱ्या सुशांतच्या चाहत्यांना अंकिता लोखंडेचे उत्तर, पाहा व्हिडीओ

मुंबई : प्रसिद्ध टीव्ही अभिनेत्री अंकिता लोखंडे (Ankita Lonkhande) सोशल मीडियावर खूप अ‍ॅक्टिव असते. तिच्या चाहत्यांसाठी फोटो आणि व्हिडीओ शेअर करत असते. मात्र, अंकिताच्या या फोटो आणि व्हिडीओला सुशांतचे चाहते खालच्या पातळीवर कमेंट करतात. आता अंकिताने अशा लोकांना चांगलेच उत्तर दिले आहे. नुकताच अंकिताने सोशल मीडियावर एक व्हिडीओ शेअर केला आहे आणि जे लोक खालच्या पातळीवर अंकिताच्या फोटो आणि व्हिडीओवर कमेंट करतात यांचा चांगलाच समाचार घेतला आहे.  (Ankita Lokhande shared the video and gave a message to Sushant Singh Rajput fans)

अंकिता लोखंडेची इन्स्टा पोस्ट

View this post on Instagram

A post shared by Ankita Lokhande (@lokhandeankita)

अंकिता व्हिडीओमध्ये म्हणाली आहे की, मी इतकी सीरियस कधीच बोलत नाही किंवा असे बोलायला मला आवडत नाही. मला फक्त इतकेच म्हणायचे आहे की, आपल्या जीवनात सकारात्मकता असणे खूप महत्वाचे आहे, जे आपण स्वतः आपल्या आयुष्यात आणू शकता. मी माझे जे फोटो आणि डान्स व्हिडीओ सोशल मीडियावर शेअर करते ते मला स्वतःला प्रोत्साहन देण्यासाठी मात्र, मी गेल्या अनेक दिवसांपासून पाहात आहे की, माझ्या व्हिडीओवर मला खालच्या पातळीवर जाऊन कमेंट केल्या जातात.

जर तुम्हाला माझे व्हिडीओ आवडत नसतील किंवा माझा काही प्रोब्लेम तुम्हाला असेल तर तुम्ही मला फॉलो करू नका. काही लोक माझ्या डान्स व्हिडीओवर घाण-घाण कमेंट करतात. जर तुम्हाला आमच्या नात्याबद्दल माहिती नसेल तर माझ्याबद्दल बोलणे चुकीचे आहे. बरं तुम्हाला एवढच वाटत असेत तर आमचं नात तुटताना तुम्ही सर्वजन कुढे होतात. आमच्या नात्याबद्दल बोलायचा काही अधिकार नाही कोणाला आणि तुम्ही अशाप्रकारच्या कमेंट करतात त्याचा त्रास मला नाही होत तर माझ्या आई-वडिलांना होता आहे कारण ते या क्षेत्रासंबंधीत नाहीत.

मी स्वत : डिप्रेशनमधून गेले होते. पण मी हे कधी कोणा सांगितले नाही. माझे सुशांतचे नाते कसे तुटले कोण जबाबदार यावर मला काही बोलायचे नाही पण मी देखील आयुष्यात खूप वाईट वेळ बघितली आहे. त्यामुळे मला सर्वांना हेच सांगायचे आहे तुम्हाला मी आवडत नसेल किंवा माझ्यामुळे तुम्हाला त्रास होतो तर तुम्ही सरळ मला अनफॉलो करा पण काही गोष्टी माहिती नसताना माझ्याबद्दल असे बोलणे चूकीचे आहे.

संबंधित बातम्या : 

निक्की तांबोळीचे किस प्रकरणावर मोठे भाष्य, म्हणाली…

शिवसेना नेत्यांकडून जीवाला धोका, मुंबईतील खटले हिमाचलला हलवा, कंगनाची याचिका

परिणीती चोप्राचा ‘सायना’ चित्रपट ‘या’ तारखेला चाहत्यांच्या भेटीला!

(Ankita Lokhande shared the video and gave a message to Sushant Singh Rajput fans)