मुंबई : आज संपूर्ण देश स्वातंत्र्याची (Independence Day) पंचाहत्तरी साजरी करत आहे. आझादी का अमृत महोत्सव देशभर साजरा होत आहे. यानिमित्ताने हर घर तिरंगा हा उपक्रम केंद्र सरकारकडून राबवण्यात आला. आज संपूर्ण देश स्वातंत्र्याच्या जल्लोषात मग्न आहे. या खास प्रसंगी बॉलिवूड (Bollywood) स्टार्स प्रत्येक देशवासीयांना स्वातंत्र्यदिनाच्या शुभेच्छा देत आहेत. यासोबतच ध्वज फडकवून सर्वांना शुभेच्छा देताना दिसतायंत. रजनीकांतपासून ते सलमान खानपर्यंत सर्वांनी मोठ्या उत्साहात स्वातंत्र्याची पंचाहत्तरी साजरी केलीयं. इतकेच नाही तर यासंबधितचे काही फोटो सोशल मिडियावर (Social media) आपल्या चाहत्यांसाठी शेअर देखील केले आहेत.
सलमान खानने त्याच्या अधिकृत सोशल मीडिया हँडलवर देशाचा झेंडा फडकावत एक फोटो शेअर केला आहे. यासोबतच सर्व देशवासीयांना स्वातंत्र्यदिनाच्या शुभेच्छाही दिल्या आहेत. अभिनेत्याच्या या फोटोवर चाहते मोठ्या प्रमाणात कमेंट करताना दिसत आहेत.
Wishing everyone a very happy Independence Day ???? #JaiHind #IndiaAt75
— Rajinikanth (@rajinikanth) August 15, 2022
ज्येष्ठ अभिनेते रजनीकांत यांनीही संपूर्ण देशवासियांना स्वातंत्र्यदिनाच्या शुभेच्छा दिल्या आहेत. ट्विटरवर पोस्ट शेअर करत त्यांनी लिहिले की, तुम्हा सर्वांना स्वातंत्र्य दिनाच्या खूप खूप शुभेच्छा. यासोबतच रजनीकांत यांनी जयहिंद हा हॅशटॅगही लिहिला आहे.
कार्तिक आर्यननेही घराच्या बाल्कनीतून दोन्ही हात जोडून स्वातंत्र्यदिनाच्या शुभेच्छा दिल्या आहेत. त्याच्या बाल्कनीच्या रेलिंगवरही तिरंगा दिसतो.
स्वातंत्र्याच्या या खास प्रसंगी उर्वशी रौतेला संपूर्ण देशाला सलाम करताना दिसली. हातात झेंडा घेऊन अभिनेत्री तिरंग्याला सलाम करते आहे.
बॉलीवूडचा किंग खान शाहरुख खान देखील आपल्या संपूर्ण कुटुंबासह तिरंगा फडकवताना दिसला. शाहरुख, गौरी आर्यन, अबराम यांनी तिरंग्यासमोर पोज देत शुभेच्छा दिल्या.