Anushka Sharma: अनुष्का शर्मा दुसऱ्यांदा गरोदर? रुग्णालयाबाहेरील विराटसोबतचा फोटो पाहून चाहत्यांना पडला प्रश्न
या दोघांचे फोटो सोशल मीडियावर व्हायरल झाले आणि चर्चांना सुरुवात झाली. मुंबईतील कोकिलाबेन रुग्णालयाबाहेर या दोघांना पाहिलं गेलं. हे फोटो जेव्हा पापाराझींनी सोशल मीडियावर शेअर केले, तेव्हा अनुष्का दुसऱ्यांदा गरोदर आहे की काय, असा प्रश्न चाहत्यांना पडला.
टीम इंडियाचा फलंदाज आणि माजी कर्णधार विराट कोहली (Virat Kohli) नुकताच कुटुंबीयांसोबत सुट्टी एन्जॉय करण्यासाठी गेला होता. विराट, पत्नी अनुष्का (Anushka Sharma) आणि मुलगी वामिकाला (Vamika) घेऊन फिरायला गेला होता. तिथून परतताच मुंबईत आल्यानंतर विराट अनुष्कासोबत रुग्णालयात जाताना दिसला. या दोघांचे फोटो सोशल मीडियावर व्हायरल झाले आणि चर्चांना सुरुवात झाली. मुंबईतील कोकिलाबेन रुग्णालयाबाहेर या दोघांना पाहिलं गेलं. हे फोटो जेव्हा पापाराझींनी सोशल मीडियावर शेअर केले, तेव्हा अनुष्का दुसऱ्यांदा गरोदर आहे की काय, असा प्रश्न चाहत्यांना पडला. अनेकांनी तिच्या प्रेग्नंसीविषयी प्रश्न उपस्थित केला. विराट आणि अनुष्का एकत्र रुग्णालयात का गेले, याचं उत्तर आता समोर आलं आहे.
अनुष्का सध्या तिच्या आगामी ‘चकदा एक्स्प्रेस’ या चित्रपटासाठी जोरदार तयार करत आहे. या चित्रपटात ती भारताच्या महिला संघाची वेगवान गोलंदाज झुलन गोस्वामीची भूमिका साकारतेय. याच कारणासाठी ती फिजिओथेरपीस्टकडे गेली होती. चित्रपटातील भूमिकेसाठी तिला भरपूर धावणे, स्ट्रेचिंग, डायव्हिंग करावं लागत आहे. अनुष्का खेळाडू नसल्यामुळे या सर्व गोष्टींचा ताण तिच्या शरीरावर अधिक पडत आहे. याच कारणासाठी ती विराटसोबत फिजिओथेरपीस्टकडे गेली होती.
2018 मध्ये अनुष्का ‘झिरो’ या चित्रपटात शाहरुख खानसोबत झळकली होती. हा चित्रपट बॉक्स ऑफिसवर दणक्यात आपटला. त्यानंतर ती मोठ्या पडद्यापासून काही काळ लांब राहिली. आता झुलन गोस्वामीच्या बायोपिकच्या माध्यमातून ती प्रेक्षकांसमोर येणार आहे. झुलन गोस्वामीने आयुष्यात कसा संघर्ष केला? तिने यश कसं मिळवलं? त्यावर हा चित्रपट आधारीत आहे. यावर्षाच्या सुरुवातीला अनुष्काने या चित्रपटाची घोषणा केली होती. झुलनची गोलंदाजीची स्टाइल, व्यक्तीमत्व हुबेहूब तसंच वाटलं पाहिजे, यासाठी अनुष्का सध्या खूप मेहनत घेतेय. तिने त्याचे काही फोटो स्वत:च्या इन्स्टाग्राम अकाऊंटवर शेअर केले होते.
