Adipurush | सैफ अली खान आणि प्रभासच्या ‘आदिपुरुष’ चित्रपटाचे मोशन कॅप्चर सुरू!

सैफ अली खान (Saif Ali Khan)  आणि प्रभासचा (Prabhas) चित्रपट आदिपुरुष (Adipurush) हा घोषणा झाल्यापासून हा चित्रपट चर्चेत आला आहे.

  • टीव्ही 9 मराठी डिजीटल टीम
  • Published On - 13:50 PM, 19 Jan 2021
Adipurush | सैफ अली खान आणि प्रभासच्या 'आदिपुरुष' चित्रपटाचे मोशन कॅप्चर सुरू!

मुंबई : सैफ अली खान (Saif Ali Khan)  आणि प्रभासचा (Prabhas) चित्रपट आदिपुरुष (Adipurush) ची घोषणा झाल्यापासून हा चित्रपट चर्चेत आला आहे. ओम राऊतच्या या चित्रपटात प्रभास राम आणि सैफ अली खान लंकेशच्या भूमिकेत दिसणार आहेत. बर्‍याच वादांनंतर चित्रपटाची तयारी सुरू झाली आहे. चित्रपटाचे दिग्दर्शक ओम राऊतने ट्वीटद्वारे मोशन कॅप्चर सुरू झाल्याची माहिती दिली आहे. त्याने एक फोटो शेअर केला आणि लिहिले- मोशन कॅप्चर सुरू झाले. आदिपुरुषचे जग तयार करत आहोत. चित्रपटाचे निर्माते भूषण कुमार म्हणाले म्हणाले की, टी-सीरीजमध्ये आम्ही नेहमीच नवीन कल्पना आणि संकल्पनांना प्रोत्साहन देतो. (Motion capture of Saif Ali Khan and Prabhas ‘Adipurush’ movie begins)

ओम आणि त्यांची टीम नवीन तंत्रज्ञानासह आदिपुरुषचे विश्व तयार करीत आहेत. हे तंत्रज्ञान आंतरराष्ट्रीय चित्रपटात वापरले जातात आणि पहिल्यांदाच भारतीय चित्रपटसृष्टीत वापरले जाणार आहे. रिपोर्टनुसार आदिपुरुष चित्रपटाची शूटिंग फेब्रुवारीच्या किंवा मार्चच्या सुरूवातीला सुरू होईल. प्रभास त्याच्या आगामी चित्रपटाचे शूटिंग पूर्ण करून आदिपुरुषची सुरूवात करेल, तर सैफ अली खानदेखील मार्चमध्ये चित्रपटाच्या शूटिंगला सुरुवात करणार आहे.

आदिपुरुष चित्रपटात मुख्य अभिनेत्री म्हणून कोण काम करणार आहे हे अद्याप जाहीर करण्यात आले नाही. मेकर्स लवकरच चित्रपटातील मुख्य अभिनेत्रीची घोषणा करणार असल्याचे सांगितले जात आहे. हा चित्रपट भूषण कुमार निर्मित करीत असून चित्रपट 11 ऑगस्ट 2022 रोजी प्रदर्शित होणार आहे.

संबंधित बातम्या : 

अली अब्बासने माफी मागून काही फायदा नाही, तांडवविरोधात FIR दाखल!

Shocking | अजय देवगणचा दृश्यम पाहून तरुणाकडून गर्लफ्रेंडचा खून, कारण आलं समोर…

Debut | जाह्नवी नंतर खुशी कपूर करणार बॉलिवूडमध्ये एन्ट्री, बोनी कपूर म्हणाले…

(Motion capture of Saif Ali Khan and Prabhas ‘Adipurush’ movie begins)