‘या’ महिलेची 35 लोकांसमोर डिलिव्हरी, दिला तिळ्यांना जन्म, शाहरुख खान येताच माजली खळबळ

बॉलिवूड अभिनेत्री कायम त्यांच्या खासगी आयुष्याती काही किस्से चाहत्यांसोबत शेअर करत असतात. आतापर्यंत डिलिव्हरीचे अनुभव देखील अनेक अभिनेत्रींनी सांगितले आहे. झगमगत्या विश्वातील एक सेलिब्रिटी महिला अशी आहे जिने तब्बल 35 लोकांसमोर तिळ्यांना जन्म दिला. जेव्हा रुग्णालयात तिची विचारपूस करण्यासाठी शाहरुख खान पोहोचला तेव्हा सर्वत्र खळबळ माजली होती… सध्या ज्या अभिनेत्रीची चर्चा रंगली आहे, ती सेलिब्रिटी महिला दुसरी तिसरी कोणी नसून बॉलिवूडची प्रसिद्ध आणि लोकप्रिय कोरियोग्राफर-डायरेक्टर फराह खान आहे. सांगायचं झालं तर, फराह खान आणि शाहरुख खान गेल्या अनेक वर्षांपासून एकमेकांचे चांगले मित्र आहेत. 30 वर्षांपूर्वी ‘कभी हां कभी ना’ सिनेमाच्या सेटवर दोघांची ओळख झाली होती. ओळखीचं रुपांतर कालांतराने घट्ट मैत्रीत झालं.

नुकताच, फराहने शाहरुख खान सोबत घडलेला मजेदार किस्सा सांगितला आहे. फराह खान हिने आयव्हीएफच्या मदतीने तिच्या तीन मुलांना जन्म दिला आहे. फराह डिलिव्हरीची वेळ आठवत म्हणाली, ’15 वर्षांपूर्वी जेव्हा माझी डिलिव्हरी होत होती, तेव्हा रुममध्ये 35 लोकं होती. रुग्णालयात दाखल झाल्यानंतर शाहरुख खान मला भेटण्यासाठी आला होता.’

‘रुग्णालयात शाहरुख खान आलाय ही माहिती सर्वांना कळताच रुग्णालयात खळबळ माजली. रुग्ण देखील त्यांच्या आयव्ही ड्रिप सोबत बाहेर आले. किंग खानची एक झलक पाहण्यासाठी चाहते उत्सुक झाले होते.’ असं देखील फराह खान म्हणाली. सांगायचं झालं तर, नुकताच फराह खानच्या मुलांचा व्हिडीओ सोशल मीडियावर तुफान व्हायरल झाला होता.

शाहरुख खास समोर ढसा-ढसा रडली फराह खान

फराह खान हिच्या प्रेग्नेंसीमध्ये अनेक अडथळे येत होते. जुने आठवत फराह म्हणली, ‘मी आणि शाहरुख ‘ओम शांती ओम’ सिनेमाची शुटिंग करत होतो. तेव्हा मला डॉक्टरांचा फोन आला आणि ते मला म्हणाले यावेळी देखील काहीही होऊ शकलं नाही. तेव्हा शाहरुखने मला शुटिंगसाठी पुन्हा बोलावलं…’

‘मी शुटिंगसाठी सेटवर गेली तेव्हा शाहरुखला कळलं की काहीतरी गडबड आहे. त्यामुळे त्याने सर्वांना ब्रेक घ्यायला सांगितलं आणि मला व्हॅनमध्ये घेऊन गेला. तेव्हा त्याला सर्वकाही सांगितलं आणि जवळपास एक तास मी रडत होती…’ असं म्हणत फराह खान हिने शाहरुख खान सोबत असलेल्या मैत्रीच्या आठवणी सांगितल्या…