हसण्यासाठी रहा तयार ! अजय देवगण पुन्हा करणार कॉमेडीचा धमाका; ‘गोलमाल 5’ची रिलीज डेट समोर

गोलमाल फ्रँचायजीमधील चित्रपट प्रचंड लोकप्रिय आहेत. आत्तापर्यंत या चित्रपटाचे 4 भाग आले असून सगळ्यांनाची चांगली कमाई केली. या चित्रपटाच्या 5 व्या भागाची चाहते अतिशय उत्सुकतेन वाट बघत आहे. फायनल चित्रपटाच्या मेकर्सनी आज ( शनिवारी) या चित्रपटाची रिलीज डेट जाहीर केली आहे. रोहित शेट्टी दिग्दर्शित आणि अजय देवगणची मुख्य भूमिका असलेला हा चित्रपट नेमका कधी रिलीज होणार आहे ?

कधी रिलीज होणार गोलमाल 5 ?

कॉमेडीने भरलेली ‘गोलमाल’ फ्रँचायझीचा पाचवा भाग पुन्हा एकदा मस्ती, हास्य-विनोद आणि धमाल घेऊन येणार आहे. निर्मात्यांनी शनिवारी ‘गोलमाल 5’च्या रिलीज डेटची अधिकृत घोषणा केली. चित्रपटाचे दिग्दर्शक रोहित शेट्टी यांनी त्यांच्या इन्स्टाग्राम अकाउंटवर ‘गोलमाल 5’चे अधिकृत पोस्टर शेअर करत चित्रपटाच्या प्रदर्शनाची तारीख जाहीर केली. या पोस्टरमध्ये अजय देवगण बाईकवर असून त्याच्यासोबत अर्शद वारसी, श्रेयस तळपदे, तुषार कपूर आणि कुणाल खेमू हे मस्तीच्या अंदाजात दिसत आहेत. “ हास्य-मस्ती, आनंद आणि कुटुंब… बस, आणखी काही नाही. 8 जानेवारी 2027 .” असं या सोबत कॅप्शनमध्ये लिहीलं आहे. म्हणजेच हा चित्रपट पुढल्या वर्षी, 8 जानेवारी 2027 रोजी थिएटरमध्ये रिलीज होणार आहे.

अजय देवगण -रोहित शेट्टीची जोडी पुन्हा करणार धमाल

अजय देवगण आणि रोहित शेट्टी हे पहिल्यापासूनच ‘गोलमाल’ फ्रँचायजीचा महत्वाचा भाग राहिले आहेत. अभिनेता- दिग्दर्शकाची जोडी आता या फ्रँचायजीचा पाचवा भाग घेऊन येणार आहेत. रिपोर्ट्सनुसार, या चित्रपटात अर्शद वारसी, श्रेयस तळपडे, कुणाल खेमू, शर्मन जोशी आणि तुषार कपूर यांसारखे स्टार्सही सोबत दिसणार आहेत.

‘गोलमाल’च्या चित्रपटांनी अनेक कलाकारांचा समावेश असलेली स्टारकास्ट, मजेदार गैरसमज आणि सतत वाढत जाणाऱ्या गोंधळलेल्या परिस्थितींमुळे स्वतःची वेगळी ओळख निर्माण केली. पाचव्या भागातही निर्माते हीच भरपूर कॉमेडी कायम ठेवतील आणि जुन्या पात्रांसाठी एक नवी कथा घेऊन येतील, अशी अपेक्षा आहे.